كتبني الزمان في صفحة الاحزان .....وكتبني التاريخ في صفحة الفراق

[انفاس البتول]

تدري وش اللي يجرح القلب جرحين

ويمد حبل الحزن فيك ويشده

انك تناظر طفل من غير ابوين

يمشي ودمعه سايله فوق خده

منظر صعيب ويقسم القلب قسمين

لاقام يمسح دمعه بكف يده

يمشي ولايدري طريقه على وين

لين التعب من كثر ماتاه هده

اثقل حروف يشيلها فيها حرفين

لا اب يدريبه ولاام ترده

في خطوته رحله ودمعه وسكين

وحظ توسد باالمراسي مخده

جيت اساله بالله قلي ولد مين

وبغي يجاوب وخنقت صوته رده

انا يتيم وما لدربي عناوين

وجزر الحزن فيني يساوي لمده

وطعم الطفوله ماعرفتها للحين

وثوب السعاده صرت مانيب قده

ابكي الى من شفت غيري سعيدين

لين البكاء فيني يوصل لحده

واقفي ورحت امسح دموعي من العين

وعيني تناظر دمعته فوق خده

وهذا اللي يجرح القلب جرحين

يمد حبل الحزن غصب ويشده ..