الخدمة المدنية تعلن (1026) وظيفة تعليمية للنساء

[انجاز التصميم]

المشاركة الأصلية كتبت بواسطة شوق الغلا

تــرف اليوم رحت الخدمة المدنية

ورحت وزارة التعليم بخصوص هذا التقديم

لأن تخصصي خدمة اجتماعية

وشارطين في التقديم انه لازم يكون مختبرة قياس

فرحت لهم وقلت لهم اني لما ابغى اسجل قياس ما احصل تخصصي اللي هو خدمة اجتماعية

قالو في الخدمة المدنية ما ندري روحي للتعليم وهم ابخص

ورحت للتعليم في شارع الوشم قبل فوال الأفراح

وقالوا الا القياس تسجلي اختبار القياس العام

قلت ايه بس مافيه تخصصي الخدمة الاجتماعية قالو حتى لو مافيه تخصصك

لازم تقدمي على اختبار القياس العام وهو خانة موجودة في الموقع بإسم القياس العام

وهي خاصة بجميع اللي ما عندهم تخصصات موجودة في القياس

الافضع من كذا

انا تخرجت من كليات المعلمات وقلتلهم انا تربويه ليه في الموقع يحولني اني غير تربويه

قالو ايه لأن اي تخصص خدمة اجتماعية فهو غير تربوي حتى لو كانت الشهادة تربويه بإستثناء اللي تدرس سنة تربويه بعد الكلية

وراح اقدم هالكلام في موضوع مستقل عشان الكل يستفيد

حبيبتي من حطك [ غير تربوية ]

والقياس شرط أساسي فعلاً لكل من ترغب في التقدم للوظائف التعليمية

والقياس بعد التصنيف إلى جزء عام وجزء تخصص

صار شرط ان المتقدمة تختبره في الأثنين

لكن بعض التخصصات مالهم إلا إختبار جزء واحد اللي هو [ العام ]

عندك تخصص التربية الخاصة هذا ماله إلا اختبار جزء عام

وبعد الإختبار يسمح للمتقدمة في التقديم بجدارة بحكم أنها مجتازة في الجزء العام

طبعا انتي عارفه أن العام يشمل [ العددي والتربوي واللفظي ]

ناقصها التخصص مادري عاد يوفرون لهم هالإختبار أو يخلونهم بس واحد

انتي جربي اختبار شهر 4 في الجزء العام وشوفي بوابة تكامل هل انتي من ضمن مجتازي قياس

لأن الدرجات تروح بشكل آلي بين [ قياس ووزارة الخدمة المدنية ] وان شفتي أسمك جاء في بوابة تكامل

كان بها لو لا الله يعينك على مراجعاتهم وشوفي لك بعض الزميلات من تخصصك