|
البحث في المنتدى |
بحث بالكلمة الدلالية |
البحث المتقدم |
الذهاب إلى الصفحة... |
|
|
|
أدوات الموضوع | انواع عرض الموضوع |
#1
|
|||
|
|||
افكار رائعــــــــــــــة لتشجيع طالبات الإبتدائي......(ادخلي واستفيدي)
السلام عليكم وحمة الله وبركاته حياكم الله وبياكم في البدايه وجدت هذا الموضوع في احدى المنتديات فحبيت انقله لكم علشان تستفيدون ودعواتكم لصاحبة المووضوع الجهد الحقيقي اليوم حبيت اني اجمع لكم لوحاتي كلها يا بنات من افكار ولوحات وطرق تربويه تعليمية مفيده وهذه الافكار بعضها من تصميمي والاخر من النت بس سوويته بطريقتي الخاصه وانا احلل للكل افكاري ولوحاتي حتى تعم الفايده للجميع وكل اللي بتشوفونه عمل وشغل ايدي يعني لا مكتبات ولا مراكز لوحات تعليميه ولا بطيخ وباسعار معقوله وتكاليف قليله بس عندي طلب صغيرون : لا تردون على الموضوع الى ان انتهي بالمره عشان اخليكم تتفرجوا على راحتكم بعدها شرفوني بردودكم الحلوة بسم الله نبتدي هذه اللوحه اسمها تاج الشرف ...بالانجلش (Honour Crown ) <<<<< محسوبتكم معلمة لغة انجليزية استخدامها : نضع عليها صور الطلبه المتفوقين ونعلقها فوق اللوحه او السبورة فائدتها : تشجع الطلبه للتفوق وتشعر المتفوقين بالفخر هذه هي اول ما سويتها هذه هي لما علقتها بالفصل ....شكلها روووعه ولاحظوا صور الطلبه المتفوقين يا بنات هذه الفكرة الثانيه وهي ايضا للتشيجع واسمها صندوق السحب فكرتها : كل ما يجاوب طالب اكتب اسمه في ورقه صغيرة واضعها بالصندوق .....وبنهايه الاسبوع نسوي سحب ونختار ثلاثه اسماء يفوزا بهدايا حلوة صدقوني نتيجتها روووعه .....لما يشوفوني الطلبه اجيبه بالحصه يتحمسوا ويشعللوا الحصه ....وراح تفرحك اذا عندك زوار بالحصه هذه هي صورته شوفوه من الداخل وهذا من الجانب بنات ترى كل اللي احتجته كرتون حذاء(اكرمكم الله )+جلاد ملون +استيكرز للتزيين وبس شفتوا البساطه نكمل مع اللوحات التشجيعيه هذه اللوحه اسمها بنك المدرسة بالانجلش (The School Bank ) فكرتها : سويت لوحه على شكل بنك داخله خزانات فلوس وكل طالب له خزنه خاصه فيه كل ما يجاوب بحط له فلوس داخل الخزنه وبنهايه الاسبوع نعد الفلوس داخل الخزانات والاكثر يفوز بجائزه طبعا تقدرون تسوونها على شكل مجموعات يعني بس اربع خزاين اوفر من 25 خزنه ...انتي وراحتك هذه هي اللوحه سوري في كم خزنه طاحت ........بسبب الاستعمال هذا شكل العنوان .....عباره عن ورق طبعته بالطابعه على شكل غيمه وقصيته وجلدته بالجلاد الشفاف عشان ينحفظ وهذا شكل الخزانه من قريب .....عباره عن صورة خزانه طلعتها من النت وكررتها وجلدتها كمان وقصيتها ولصقتها على الكرتون الصغير لاحظوا الفلوس بالداخل هذا شكل الكرتون الصغير .....مثل العلب اللي نحط فيها الخواتم عند ابو ريالين بقصها والصقها بمسدس الشمع بحيث يكون الجانب الفوق مفتوح بس وهذه صورة الفلوس ....طبعا صورت فلوس عندي بالسكنر او من النت انتي وراحتك وكررتهم وطبعتهم وجلدتهم وقصيتهم لا تنسوا تحطوا اسماء الطلبه على كل الخزانات بنات صدقوني رووووووعه وتأثيرها حلوووووووو عند الطلبه وراح تخليكي مميزه بين المدرسات هذه اللوحه ايضا تشجيعيه سميتها لوحة الشرف بالانجلش (Honour Chart ) فكرتها : يقسم الفصل الى اربع مجموعات وكل مجموعه يجاوب احد من افرادها تحطي ستيكر نجمه او اي شي داخل لوحتهم الخاصه وبنهايه الاسبوع المجموعه اللي عندها ستيكرز اكثر يفوز اعضائها فائدتها : التشجيع المستمر للطلبه واضفاء الحماس على الحصه هذه هي اللوحه بنات هذه من اسهل اللوحات اللس سيوتها واقلها ثمن بس جبت اولا لوحه ورقيه .....صورة كبيره لميكي ماوس تلقونها عند ابو ريالين اربع سبورات لاصقه اللي نلصقها اخر الكتب ....طبعا اختاروا اشكالهم حلوة وطبعت العنوان بالطابعه وجلدته وقصيته وشويه زخارف وارقام انجليزيه عشان كل مجموعه تعرف نفسها بس تعالوا نحسب تكاليفها انا مااعرف بالسعودي بحسبها بالكويتي واحوله سعودي ^ _ ^ لوحه ورقيه =100 فلس 4 سبورات = 400 فلس صورة ميكي = 100 فلس شوية زخارف ستيكرز = 100 فلس المجموع = 700 فلس يعني تقريبا 10 ريال هذه اللوحه اسمها لوحة اللؤلؤ وهي لوحه تشجيعيه فكرتها : يقسم الفصل الى ثلاث مجموعات وكل محارة تمثل مجموعه معينه ويكون عندك حب لولو الرخيص اللي تشترينه من اي محل اكسسورات وكل مجموعه تجاوب تحطي لها حبة لؤلؤ واحده وبنهاية الاسبوع المحارة اللي عندها لولو اكثر يفوز اعضائها فائدتها : لوحه حماسيه وتشجيعيه بالدرحه الاولى هذه هي اللوحه وهذه هي اللوحه من قريب مثل منتوا شايفين حطيت علبه بلاستيكيه تحت كل محاره ويكون الغطاء مفتوح بس من فوق اي غطاء بلاستيكي عندكم ...انا استخدمت غطاء لالوان شينيه قصيته ولزقته وشوفوا القلم حطيته عشان ابين لكم انه مفتوح من فوق سوري اللولو مالقيته شكله ضاع والمحاره عباره عن صورة طلعتها من النت وكبرتها وسويت منها ثلاث وجلدتهم ولصقتهم . بعدين عاد انتي وتزيينك انا حطيت صورة نخله وشويه استكيرز للتزين وبس بسيطه وسهله يتبع |
2011-10-18, 11:51 PM | [2] |
مشرفة عامه سابقاً
|
هذه اللوحه روووعه انا احبها من حلاتها سويت ثنتين اسمها البريد السحري بالانجلش (Magic Mail) فكرتها : يكون عندنا صندوق بريد وكل يوم عندنا ثلاث رسائل على الطالب يطلع ويختار الرساله ويقرا المكتوب فيها طبعا انا احط فيها طلبات مثلاّ عد من الواحد الى العشره غني اغنيه عن العادات اليوميه اقرا الجمله التاليه هجئ الكلمة التاليه .....الخ فائدتها : مراجعه الدروس السابقه او اسئله عن الدرس الحالى لقياس استعياب الطلبه هذه هي اللوحه بنات ترى فكرتها وطريقتها سهله جدا مجرد لوحه فلين ملونه وشويه اظرف رسايل وصورة صندوق بريد من النت قصوه وجلدوه واسم اللوحه وشوية زخارف وبس روووعه وحلوة لانها تخدم دروسك والطلبه كل يوم يتشوقوا ايش في الرسايل اليوم هذه بطاقات سهله وخفيفه بس كنت استخدمهم لمراجعه ايام الاسبوع وبعدين علقتها على حايط الصف طلع شكلهم روووعه وحطيت فيهم شرايط وعلقتهم فوق الشباك هذه هي صورتهم سهله جدا مجرد ورق اصفر وازرق قصيتهم ولزقتهم وشويه ستيكرز هلى الجوانب هذه اللوحه عرضتها بموضوع من قبل وهي لوحه الملعب فكرتها : تقسيم الصف الى اربع مجموعات كل مجموعه تمثلها كورة معينه بلون معين كل مجموعه تجاوب الى ان تصل الى المرمى فائدتها : حماسيه وتشجيعيه هذه هي بنات اللي يحب يشوف طريقة عملها بالضبط يشوف موضوعي هذه اللوحه حلوة وهي عباره عن جيوب من البلاستيك انتوا وراحتكم في الموضوع بالنسبه لي بالانجلش حطيت في الجيب الازرق خمس اسئلة من هو ؟ وبالجيوب الورديه صور اشخاص على الطالب يقرأ السؤال ويختار من الشخصيات الشخصيه المطلوبه ايضا بطريقه ثانيه للرياضيات ممكن تحطي معادلات ضرب بالجيب الازرق والطالب يختار الاجابه الصحيحه من بين الاجابات في الجيوب الورديه بالنسبه للعلوم ممكن تعاريف حيوانات او اجهزة او اجزاء النبات واطالب يختار الاجابه من الجيوب الورديه ايضا مادة الحاسوب ممكن تعاريف الحاسوب وغيرها التربيه الاسلاميه خطوات الوضوء او الصلاه المعنى يا بنات ان لها استخدامات متعدده هذه لوحات حلووووة يا بنات انا استخدمها عشان اكتب داخلها عبارت تشجيعيه داخل صفي او كتب فيها اسامي المجموعات والصقها على الحايط بالنسبه لي انا استخدمتها ايام الامتحانات كتبت فيها عبارت تشجيعيه انا شاطر انا ذكي الامتحان اكيد سهل .....الخ ولصقتها في الممرات بين الفصول ايام الامتحانات والحركه هذه عجبت المديرة مرررررررررررره وعلى فكرة طريقه عملها سهله جدا مجرد لوحات ورقيه واستيكرز كبير وشوية زخارف وبس سلامتكم .... انتهى .... اتمنى أن تنال اعجابكم وفقكم الله ورعاكم ^_^ |
|
|
2012-01-18, 07:25 PM | [4] |
عضو جديد
|
شـكــ وبارك الله فيك ـــرا لك ...
ماشاء الله حركات حلوة طيب عندك افكار لهدايا اخر الاسبوع .. شنو نقدر نهدي الاطفال بمراحل من اول ابتدائي لسادس ؟؟ |
مواقع النشر (المفضلة) |
الكلمات الدلالية (Tags) |
لتشجيع, الإبتدائيادخلي, افكار, رائعــــــــــــــة, واستفيدي, طالبات |
انواع عرض الموضوع |
العرض العادي |
الانتقال إلى العرض المتطور |
الانتقال إلى العرض الشجري |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
مشروع خاص لتشجيع "اللّطف" مكتوب ومصوّر من قبل أطفال من المنطقة العربية | احمد المديني | الركن العام للمواضيع العامة | 0 | 2011-08-31 02:49 AM |
مين عنده افكار للمسابقات | وردة البستان | منتدى النشاط الطلابي | 0 | 2011-05-17 11:50 PM |
لتشجيع الدارسات | فائزة محمد علي مسعود | منتدى تعليم الكبار والكبيرات | 16 | 2011-02-14 03:23 AM |
اساليب جديده لتشجيع الدارسات | غروب حزينه | منتدى تعليم الكبار والكبيرات | 3 | 2010-12-18 10:51 PM |
افكار منز ليه مفيده ... | فائزة محمد علي مسعود | الركن العام للمواضيع العامة | 1 | 2010-11-14 04:37 PM |