بيان من المتفائل 1427 ، حول الترشيحات التعليمية للرجال

[المتفائل 1427]

بيان من المتفائل 1427

حول موعد الترشيحات التعليمية للرجال .


إنه في يوم الأثنين 17/ 8 . جاءني الخبر التالي :

بعد اتصال هاتفي أجريته مع أحد منسوبي الخدمة المدنية ، لأجل الاستفسار منه حول الموعد ا المقرر فيه إعلان نتائج الترشيحات النهائية للوظائف التعليمية للرجال ، فكان هذا الاتصال المدون :

جهاز الجوال : جاري الاتصال بــ " فلان " ( ما نيب معلمكم باسمه ) رن .. رن .. رن ..

موظف الخدمة المدنية ( مرتبة عالية ) : مرحبًا ..

أنا : السلام عليكم ..

موظف الخدمة : وعليكم السلام ..

أنا : كيف حالك .. إن شاء الله بخير .. ( ومن هاللواقة .. اللي الكل يبدع فيها ..) .

الموظف : الحمد لله بخير ..

أنا : يا أبوفلان .. الله يجزاك بالخير .. أنا مقدم على وظائف تعليمية هالسنة ، وقاعدن احتري الترشيحات .. لا سافرت ولا تهنيت في الإجازة هذي .. تكفى علمني إذ فيه شي من العلوم عن الترشيحات ؟.

الموظف : اسم الكريم ؟.

أنا : م . ر .ج . ( ما نيب معلمكم باسمي ) جايك من طرف " فلان "

الموظف : هلا وسهلا .. أخوي . بالنسبة للترشيحات ما فيه شي هالشهر .. رح وسع الصدر وتنزه .. ما فيه شي إلا في رمضان .

أنا : رمضان !. والمقابلات الشخصية .. متى بيمديكم ؟!

الموظف : كل شي بيخلص في رمضان ، وأنا متأكد من هالشي . الموعد بحدد في شهر رمضان .

أنا : طيب .. أنا تخصصي لغة عربية ، وش البشاير لنا ؟.

الموظف : احتياجكم .. شايفه وهو ( 703 ) هذا اللي وصلنا من التربية . ( وعقب على كلامه هذا ) وأعتقد إن سبب تأخيركم لشهر رمضان ، على ساس ننتظر ما يردنا من التربية من تحديد احتياج كل تخصص من الوظائف المستحدثة .

أنا : يعني .. ما به شي هالشهر ؟.

الموظف : خذها مني .. ما به شي هالشهر ..

أنا : ما قصرت أخوي .. في أمان الله .

الموظف : في أمان الله .

الجوال : طيط ..طيط .. انتهت المكالمة .


دمتم بود ..( الله يعيني على أنواع التعليقات ..)