طالبات اولى ثانوي يسآالون ...! (موضوع للنقاش والفائده)

[Dalia abdullrahman]

وعليكم السلام والرحمآ .. ^^
أهلا أهلا بالحلوين الطعمين اولى سنوي حقون مدرستنآ
انا طالعآ تانيا دي السنآ يعني كونت زيي زيكم السنا الفايتا ححاول اجاوب بعض الاسئلا
ويديها العافيآ اروى حبيبتي ماقصرتي ملحقآ ع كل المواضيع يديكي العافيا يارب

\\

بعد الاختبارات تكون كل يوم او بعض الايام ويصير اليوم الواحد في اكثر من اختبار او اختبارين مرره مهمه لي الاحتبارات

ي ستي نظام الاختبارات جداً جداً مريح في ال19 ..
يعني مواد سنة اولى 7 تتقسم على اسبوعين ..
مسلن اليوم الاول رياضيات .. اليوم اللي بعدو يكون تفرغ ^^
زي كدا ممكن يكون عندكم في الجدول اكتر من تفرغ او تفرغين على حظكم
لأنو التفرغ ينحط قبل المواد الي يحتجلها تركيز كتير ( احياء ، فيزيآ .... )
وغالباً يوم السبت في الاسبوع التاني يحطولكم مادة دسمة عشان تاخدوا راحتكم طول الويكند
بس الله يسهلك ياحلوآ بما انك دخلتي المنتدى وسألتي معناتك مهتمآ وشاطرآ بإزن الله

\\

البنات هناك عادي يلبسوا اكسسوارات ويحطوا مكياج او لا والشنط عادي لوملونه عشان احنا عندنا بمدرستي شنط الملونه ممنوعه والاكسسوارات والمكياج والشعر المنفوش xb

طبعاً الممنوعات والمخالفات مابتترصد من الابلات بس في برضو بنات نظام يمشونآ زي الالف
مممممم هرجة الممنوعات بتختلف من ابلا لتانيآ ..
اكسسوارات وكدا بعض الابلات حيهرجولك وبعضهم لأ ^^
بس الافضل ماتكتري من الكسسوارات يعني اصلاً محايكون عندك وقت تتدلعي فيهم لأنو طول الدوام حيكون كرف وطلوع ونزول وهكزا مانصح بالاكسسوارات ابداً
يدوبك ساعا
وبرضو المكياج ي ستي ازآ كتر وزاد عن حدو ممنوع ^^ وانصحك مآتحطي والهي انتي حلوا بدونو
الشنط خدي رآحتك فيهآ محد بيهرج وانصحك تشتري شنطا تنشال عالكتفين لأنو الكتب كتير وغير كدا ملفات وحاجات تانيآ .. =)
الشعر المنفوش طبعن حيخاصموكي عليه وحتنفرشي

\\

وكااني سمعت انو عادي تدخلوا جوالاتكم صحيح الكلام او لا

هههههههههههههههههههه دي اكبر خرششآ سمعتها فحياتي ..
لاء ي حبيبتي جوالات مفيش ممنوعآ خالص ^^

\\

يب mls اختي تقول كانو يجيبو لابتوباتهم
عادي بس ماتدري ذحين مع المديره اللي ح تجي يمكن يتغير النظام :/

يب هوا عادي تجيبي لابتوبك وكدا .. بس لازم اول شي تستأزني من المرشدة وغير كدا يكون عندك شي ضروري .. زي عرض او شرح وكدآ ..
بس كدا من نفسك تجيبي لاء مايسير ^^

\\

ثقي .. أنك راح تعرفي النظام من أول أسبوع يقرو المخالفات والممنوعات وما شابه وإذا ما ناسبكي لا قدر الله ممكن تنقلي لأنو لسع الأسبوع الأول أسبوع إرشاد أكادمي يعني مفيش دراسه غالباً

فعلاً الاسبوع الاول رح يكون اكاديمي بمعنى الكلمة ..
بس انصح طالبات سنة اولى يحضروه لأنو غالباً حيعملولكم برنامج تعريفي عن المدرسا وعن اسلوب الدراسا المطورة وكدا حاجات .. حتستفيدو كتير =)



يديكم العافيآ وشدو حيلكم اكتر شي ...