تعالوا يا سعوديين ياللي تنتظروا 52ألف وظيفة تعليمية

[مزااجي]

المشاركة الأصلية كتبت بواسطة برشلوني

هلا بكـ
دام فيها رجال وصدور رجال يالله حيكـ وحي من سيقرأ ماسأكتب

يمكن أنت واحد يحبني بالحيل وعارفني زين لكن مدري يمكن النكـ نيم تغير مع تغيرات الظروف المناخية

ركز معي
بمنتدى اللغة وبمنتدى المدينة ومنتدى البطالة ماعمريّ جبت طاري وظائف إدارية
كل كلامي تعيين كل من طابق بناء على معطيات
والمعطى أمامي هو الأمر الملكي اللي كلنا مستانسين فيه
حتى في وحده هون تقول أنت يا برشلوني بتجيكـ صدمة قوية من كثر تفاؤلكـ الكبير

لكن بالجهة المقابلة الطيف الآخر واللي أنت منهم ماذا يقول
يقول التالي :
1/ الوظائف التي استحدثها الملكـ هي وظائف مرتبة سادسة
2/ الوظائف التي استحدثها الملكـ وظائف إدارية

وأنا عارضت هالرأيين والكل يعلم جيداً هالشيء
ويمكن لأني عارضت هذا التوجة المنافي للفطرة تحمسوا ضدي

أنا أعرف وش اللي بنفسكـ
بنفسكـ جف البحر وحصرياته
بعطيكـ قصتي مع جف البحر
الرجل تهاوش مع شبيب والحارث في المنتدى بعد إنزاله لخبر معين
وكتب موضوع ما راح أدش بالمنتدى وراح تلاقون الأخبار عند سعودي عاطل اللي هو أنا

ماخلص الرجل موضوعه وأنا نايم مو عارف الهرجة
إلا جاتني إتصالات من مسكويه وشبيب ومخاوي الليل ومدري من بعد يبلغوني باللي صار لا ويقولون لي تكفى نايف بلغنا وش يقولكـ أول بأول
(وكل هالأشخاص حالياً ضد جف البحر بعنف )
سبحان اللي يغير ولا يتغير هع
وشوفهم يكلموني وبيننا علوم ومن ميانة كتبت أساميهم
أما غيرهم فكل دعمهم رسائل وصعب أكتبهم

ومن هالمنطلق نايف يحب الشعب ويحب يخدمهم تصدى لهذه المهمة
وقام يستقي لكم أخبار جف البحر
يعني أنا ناقل فقط وناقل الكفر ليس بكافر وكل من في المنتدى ينتظرون علومه بشمعة
وشوف بعينكـ كثرة الشكر لجف البحر

أما كلام الحميدي أي نعم الحميدي بنفسه قال من اجتاز القياس وسجل في جدارة ينتظر تعيينه
وهالشيء صار معي ومع أبونواف بمقابلته للفهيد
ومع واحد عزيز عليّ وماودي أذكر مادار بينه وبين الحميدي إلا بإذنه لأنه لم يكتب هالشيء

أخيراً
أنا وأعوذ بالله من كلمة أنا شخص ظاهر مو متخبي
والكل يعرفني وحاضر كم تجمع بجده وبالرياض
ومسوي لافتة كفاية ظلم اللي خويي انسجن فيها 11 يوم العام
وجلست بالرياض أسبوع أنتظر خويي يطلع ولاحد درى عني

فلا توسوس لكـ نفسكـ وتقول هالأخ يثبطنا وماعنده سالفة
عندنا أمر ملكي من أبو متعب ومتابع من نايف بن عبد العزيز
ودامهم عطونا الأمر من المعيب في حقهم نطالب بتجمعات
مثل من طالب فيها ..!!

وإذا شفت خبر كاتبه برشلوني عن نفسه مش قايلكـ ناقله ذيكـ الساعة طالب برشلوني بالحق

أما تقول عني تغيرت لا أبد ما أتغير
وكل كلامي توجيه لوم على وزارة التربية بسرعة الإنجااز للأمر الملكي
ولي مقال عن هذه النقطة كتبته وبينشر بعكاظ بس مدري متى يسدحونه
قلت لهم بحط صورتي تكفون قالوا لا
>> بيستعرض

أشكركـ على تواجدكـ وجعلي أكتب هذا الرد
ويالله يارب تشوف اسمكـ وتسعد والديكـ

يلوموني فيك يانايف اشهد بالله انك كفوووووو يابعدي واتشرف بمعرفة رجال شرواك يالغالي يشهد الله انك قلت الحقيقة ووفيت وكفيت اسال الله العظيم ان يرزقك ويعطيك على قد نيتك اللهم آآميـــن

[برشلوني]

المشاركة الأصلية كتبت بواسطة مزااجي

يلوموني فيك يانايف اشهد بالله انك كفوووووو يابعدي واتشرف بمعرفة رجال شرواك يالغالي يشهد الله انك قلت الحقيقة ووفيت وكفيت اسال الله العظيم ان يرزقك ويعطيك على قد نيتك اللهم آآميـــن

لبى قلبكـ
تسلم تسلم


.