منتديات التعليم توزيع وتحضير المواد
منتديات التعليم توزيع وتحضير المواد
|
|||||||
|
|
|
 |
|
|
أدوات الموضوع | انواع عرض الموضوع |
|
#1
2012-01-14, 07:55 AM
|
|||
|
|||
معآناتي في المجآلسْ وأفتقادي لـ مبدأ الشعير !
السلآم عليكم , .! الحقيقة اللي ماخفيها عن حضراتكم الكرامْ أني قريت القوانين والدستور مايقارب الخمسين مره  كلة خوف لآ اجيب العيد واخالف الدستور ! عندي مشكلة دآخلية متأزمه هي أني ذروقه درجة اولى وام الركب تطقني لآ أقدمت على شي غلط  من عام السبله .. وانا ازحفْ نحو المجد والمثاليه زحفا ً ولم اصل  وقبل اأطرح الموضوع هنا نفسي روادتني اني اصكه بقسم العياده لآني اظن اني وصلت لمرحلة مابعد الخبال ؟! مع تطور التقنيه طاح سوقيْ وسوق فلسفتي المجلسيه عند الحريم , والكلمات اللي حفظتها من قناة الاخبار برفقه الوالد الله يحفظه ! صرت من سن مبكر اتفلسف واخربط عليهم من هالحكي وهم عيونهم شبر في شبر تناظرني ؟! وفي اوج مجدي كنت لما اتكلم بمداخله بسيطه الكل يسكت ويستمع لي بـ إبتسامه لدرجه حسيت اني ام كلثوم  وفي اغلب العزايم يوقفون يصفقون لي على المداخله النايمه اللي واخيراً ام الهول نطقتها < ماقصد نفسي والعياذ بالله ولكن..! في اقل من سنه انقلب الميزان فوقا على عقب < سلكوا وصاروا بدل مايوقفون يصفقون لي , يصفقوني ويصكوني بأخر كنبه ع الباب  والسسبب أن الفلسفين المهاييطن امثالي صاروا دقه قديمه مثل البيجر يعني  في اقرب مناسبه اتذكرها دخلت وسلمت وانا معتبره نفسي مفخره الارض  لآني قريت لي كم سطر من روايه اكل عليها الزمان وشرب واخذ قيلوله بعد !! التفت ادور الفيونكات الشابات اثابهم الله والاقي صفه منكسين روسهم والحقيقه اني فكرت انهم يمزحون معي وماشوف الا شعر + رقبه ويدين ! ادور عن مكان اسلم فيه خد عين خشم مافيه ؟وقمت اتحمد ربي النعمه وادعي لهم من قلب حنون يجهش بالحنان <!!! بعد خمس دقايق فهمت الوضع وان الشابات جزاهم الله خير داخلين بعالم البرودكاست لذا اقتربت بخجل  ورويـه لعل وعسى يمكن وربما !وقفت ... وقفت .... راحت نص دقيقه وانا واقفه آخر شي قلت بعد ماتنحنحت .. السلام عليكم وآخذت منهم نظرة حسيت اني والطاوله اللي وراي سوا لميت بقايا وجههي ورحت جلست بـ إنكسار وامل تام ان في احد بيعبرني بأذن الله وراح امارس عليه طقوسي الاشبه بمريم نور وانشب له واقول شعععير كلوا ششعير البسوا شععير وانا فارقتن راسي من النص ولابسه ستارة بيتنا  إلى ان حلمي تبدد وانا اشوف الوحده تجلس بالغلط وتناظر بخشتي ووتعوذ من ابليس وتقوم ماخفيكم القول اني حسيت اني دميمه لدرجة هيجان الكبد !! قفزت لاقرب مرايه وجلست اتحسس قسمات وجهي واتاكد ان عندي عينين مو ثلآث وان كل شي بوجهيي بمكانه الطبيعي !! رجعت للصاله ولازالوا منكسين روسهم والشعر يطلب ربه جلست وانا ادور فرصة انهزها لصالحي واقعد اهايط بلا توقف ,, وكل مارميت مسمعي لجزئيه تتحدث يخيب املي لان كل الحكي .. شريتي بلاتس الجديد ؟! اي انا ماحبه , باخذ ايفون, ي قدمكم شفتوا البروفشنال نيكون ؟! وهاتها احاديث مطوله في شأن التقنيه .. الين ذبيت عمري غصب وقلت تدرون ان مانزلوا الماخوذ 5 عشان .. ويوم اللي انتبه ان العالم قامت من مكانها والجدار يرد لي الصوت ْ ي لـ حماقة الموقف الاليم ْ تكرر الحال في اكثر من مناسبه لدرجه طقت تسبدي وقلت علي الطلاق بالسبعه من نفسسي أني شارية شارية واروح للوالد العزيز وانا كل حماس وابتسامتي من اليمين لليسار ششاقه تنحنحت < الصوت مايطلع لابغيت اطلب شي مارد ..... يبه ! نعم ؟ .. آبي جوال  وووووشو ؟؟؟؟؟ لاسلآمتك وانا اللي اعض طرف بجامتي وادور اقرب باب يحميني من قصف أشعار الوالد يحفظه ربي .. لقيت نفسي ع طول المسافه اللي قطعتها او يمكن كنت اظن ... وخاب ظني لما شفت الوالد لازال يحملق فيني < رجعت وكررت طلبي اني انسانه واحتاج لاثبات وجودي بالحياه وان اخذ جوال للكشخه ولفتح باب المهايطه قدام المتمدنات وبما ان سوق الثقافه حقتي طاح وصرت محلطه بالمجالس واغلب وقتي اجلس بين زمزمية الشاي والقهوه من باب اشغال النفس ويعنني اتقهوى موب فاضيه رد علي بكل قوة بأس ان الطلب مفروض الا بأشتراط طويل الامد والزبده : تبطييين آنتهينا من النقاش وجا الخميس اللي بعده ولازلت اعاني بحموضه وحرقه ! بعد 5 ايام حضرت مناسبه اخرى هالمرّه غير ْ الله يحفظ لي مخي صرت افهمها وهي طايره من اشوف الصفه وطقطقة الجوالات اروح لابعد مكان مافي مجال للذب والاستهبال الدقه القديمه قديمه بس احبني ولـ يخسأ الخآسئون < اللهم لآششماته لست أأبه وبالطقاق .. وحنا تسذا حلووين < ترفيع تايم  النهاية الخونفشاريه .. حقيقةً : مجالسنا اصبحت تتمحور احاديثها حول التقنيه الجديده مافيه حوار ثقافي من مخ لمخ ومافيه شعير < فقدته بعنف  وفعلا .. قبل تحاول البنت تسلم عليك تطالع بيدك عندك نفس اهتمامها وإلآ مافي مجال لفتح الحوار اساساً  همسسه : اللي نفس فصيلتي فصيله البيجر الاسود لايفكرون انهم يقطون بسالفه تخص التقنيه لان العواقب وخيمه ويمكن ترتب عليها عواقب وخيمه وخسائر بـ الاضلع 
|
|
2012-01-20, 11:30 AM
|
[2] |
|
عضو مميز
 |
أما إنت كاتبة زي العجايز!..
وإنت طالبةفي الثانوي..وش عرفك بالبيجر الأسود...كح كح بس صراحة ..(في جعبتك)! ...عجبتني في جعبتك هذي في جعبتك قدرة سوالف...مووووووصاحية... |
|
|
|
|
|
|
2013-05-17, 04:37 AM
|
[3] |
|
عضو جديد
|
تبين الصراحه وانا اوخيتك انا مو بالثانويه تخرجت من زمااااااااان
يعني مو ايام الابيض والاسود تقدرين تقولين اول ما طلعت الالوان .... .gif "Oo5o.com (4)") وحبيت اشارك في منتداكم من باب اللقافه لا اكثر ولا اقل  |
|
|
|
|
2013-05-17, 01:00 PM
|
[4] |
|
عضو ذهبي
|
هههههـ عاد مبين أن سواليفك حلوه
يعطيكي العافيه لي عوده بعد الاختبارات |
|
|
|
|
|
|
|
| مواقع النشر (المفضلة) |
| الكلمات الدلالية (Tags) |
| مبدأ, معآناتي, المجآلسْ, الصغير, وأفتقادي |
| أدوات الموضوع | |
| انواع عرض الموضوع | |
|
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| راتبين لبدل التعين | ربك يرزق من يشاء بغير حسا | الركن العام للمواضيع العامة | 11 | 2011-08-04 02:16 AM |
| مبدأ أفوز أنا وتفوز أنت | كلي تفاؤل و أمل | الركن العام للمواضيع العامة | 3 | 2011-07-12 11:23 AM |
| فخامة في الديكور لا مثيل لها..! | الاحساس 2 | الركن العام للمواضيع العامة | 12 | 2011-01-27 10:53 PM |
| أبخل ثلاثة في العالم | الباب الاخير | الركن العام للمواضيع العامة | 2 | 2010-06-13 10:59 AM |
العرض العادي
