^^ تحريم عمل المراءة كـــــــاشيير !!

[Sn!p Gurl]

والله شىء عجيب والاغرب انه يطلع من بنات مسلمات متعلمات تربويات يعرفن حدودهن وواجبهن !!

اكيد اللي بتشتغل في الكاشير وظيفتها حرااام ويوميا حتكسب ذنووب يعني ايش فائدة العمل اللي بيكسبني ذنووب واشيل اثمي واثم من افتنه في العمل !! يا بنات بعيد عن كابوس وشبح العطاله انا زيكم بنت بعاني من العطاله عشان ماتقولوليي اللي يده فيا لنار مو زي اللي يده في المويه نعم نتوظف لكن بعيد عن الاماكن المختلطة وتواجد الرجال ,,,,,,,,,,


طبعا اذا بتشتغلي كاشير لابد تطعلي عيونكـ ولا كيف حتحاسبي معناته عشان الوظيفة تنازلي تبيني عيونكـ للي يسوى ومايسوى 2- اذا بتشتغلي في الكاشير حتستخدمي يدكـ اكيد اللي واقف حيجلس يطالع وينفتن بيدكـ وهلم جر دا شخص واحد فما بالكـ بالاعداد اللي حتقابلها !! لا تقولي حتحجب وماابين شىء اصلا ماراح يوضفونـكـ اذا محجبه حجاب كامل والمدير يلزمكـ تتأنتكي للزباين !! لاحول ولاقوة الا بالله


وقبل دا كله الاهل مايرضو يخلي بنتهم فرجه للعالم الا اذا في عوايل رجالهم ديوثين مايهمم شىء

واصلا مجتمعنا متناقض المفروض كمان يحرمون توظيف البنات في الريسبشن في عيادات الاسنان والمستوصفات وغيرها من الاماكن المختلطة وربي شىء يحزن تشوفيها في كامل زينتها مناكير ومكياج عيون وقواية عين في الرجال حتى حياء مافي الله لايبلانا لاتقولولي الناس تختلف في اللي يستحي وفي اللي مايستحي
ترا من شروط القبول في هذا النوع من الوظائف ان تكون في مظهر جميل وملفت !! يعني ترضين الناس بسخط الله !


وربي انا اعرف قصة بنت هنا في المدينة الله يستر علينا وعليها راحت بتقدم على وظيفة في الريسبشن في احدى عيادات الاسنان طلب منها المدير الحقيييير تلف لفه كامله قدامه عشان يشوف تقاطيع جسمها مناسبة للتوظيف ولالا ؟؟ خير فين عايشين احنا!! قبل مانكون سعوودين وتقولوا تحكمنا عادات وتقاليد ومدري ايه احنا مسلمين نخاف الله ونرجو غفرانه واذا تبغوا الرزق اتقوا الله واخشو غضابه وعقابه

نعم نتوظف في اي قطاع نشاء طالما مافي اختلاط بالرجال وتعريض انفسنا وغيرنا للفتنة ><

والله يهدينا وياكم ويرزقنا الرزق الحلال الطيب اللهم اميييييييين


Sn!p Gurl