لقطة من فيلم،،،،،،،،،

[آنتسبوآ العشآء]

صباح الورد والفل والكادي .... أشتقتلكم حييييل
وودي أقول أحووووووبكم بس أخاف أحد يخق مثل ناصر القصبي ثمن تصير مشكلة والحريمات يرموني بطماط رغم انه غالي هالايام لكن مايغلى علي واخاف اقول احوبكم يطلع لي واحد مثل القذافي يقول لي من أنت ؟وتجيني صدمه نفسعياريه ثمن ماتشوفوني مره ثانيه فخلونا أصحاب واخوان افضل بس بجد احووبكم خلاص خلاص اخر مره
يارب تكونوا بصحه وعافيه وهذا المهم ......
مالكم بالطويلة قبل فترة كنا في استراحه وتخبرون هالأيام برد وفي الاستراحات نتجمع حول المشب وتصير التسليه محصوره ومحدوده والمراهقين كعادتهم يتسلون عالاجهزه الي بالبي بي والي بالواتس اب والي بتويتر والي بالفيس بوك والكيك ماادري ليه حاسه بيطلعون برنامج نجلس مع بعض في غرفه ونتقهوى بس جالسه افكر من بيسوي القهوه والحلا ههههههههههه مانبي هواش من الحين

نكمل

والكبار في السن مجتمعين في زاوية كان بخاطري اكتب على زاويتهم الجنادرية قسم الجدات 1333ه ياحلوهم وياحلو جمعتهم والزاوية الثانيه الأمهات والمتزوجات منذو خمس سنين فأكثر وهذولي صنفتهم أنهم قسم المجاهدات هههههههههههه والزاويه الثالثه المتزوجات حديثا أو خلونا نسميهم المهايطات أو ماقبل الجهاد والزاوية الرابعه كانت للمراهقات وسميتهم الكنترول وطبعا أنا هنا حول المشب أنا والمجموعة التي لاتنمي لأي زاوية ههههههههههههههه هي مجموعة الكشافه الأطفال في المنتصف يلعبون بجوالات أمهاتهم أو يمعطون شعر بعض ماعندهم طبعا مثلنا زمان قدرة على اختراع الالعاب الحركيه هههههههه من هالاجهزه يبون يلعبون وهم جالسين وبس ناهيكم طبعا عن اضراراها الجسديه والنفسيه على المدى الطويل رغم فوائدها القليلة ،،،

كل الامور كذا تمام الخيمه بداخلها منتجع ترفيهي جميل وراقي وهادئ الكل يتكلم فيما يهمه والضحكات تتعالى وفجأه زاوية الكنترول يصدر اصوات وصرخات وش فيه ياجماعه؟! : النت فصل احنا معتمدين عليه بس خرب المودم اكيد بخرب البنات من كثر مايستخدمونه اعتزل فبدأوا بالصراخ طفش ما بي كذا وش نقعد نسوي قالوا كلمة طفش لما حسيت كلمة الطفش تقول خلاص انا طفشت منكم لاتقولون اسمي حسيت ان الهدف من الجمعه هي الجلوس بجانب بعضنا البعض فقط هههههههههه طيب وشوووو له مجتمعين ؟!...وين داوود الشريان عنهم يستضيفهم ويشوف السبب يعني كلهم جمب بعض بس بعالم ثاني فكريا واجتماعيا ونفسيا من خلال الجوالات والاجهزه وشووووووو له مجتمعين اجل مابوه وناسه يعني ؟! اجل وشوله تبون النت ؟!........

المشكله في الامهات يساعدونهم ويفكرون معهم بحل وانا بالمنتصف اتكلم ولا احد داري عني اقولهم ياجماعه الحال كذا غلط كلها ثلاث ساعات ونروح لبيوتنا استمتعوا مع بعض وسولفوا والعبوا يقالك اغريهم هههههههههه احسب ما احد يسمعني شوي الا واحس الهواء انقطع والاصوات تتناقص والنور انحجب والتفت فوقي اشوف الكنترول كله يحيط بي ماقدرت اقول الا كلمة وحده : بكيفكم سووا الي تبون الخوف ذبح ناقة يعني مابيذبحني فكروا فيها ههههههههههههههههه لا وجبت فكره لهم قلت اشرايكم نفتح التلفزيون فيه كل شيء تبونه نطت وحده قالت اي تذكرت فيه فيلم اجنبي بيجي اليوم خقه خلونا نشوفه بس وافق الجميع وفتحوا التي في وجلسوا حوله تقولون حبابه ايام زمان ههههههههه الله يرحم بس راحوا الطيبين متأكده هم جلسوا وأنا تنفست الصعداء

ولا شعوريا جلست اردد :دام وصلك هم فرقاك راحه ....يازينها فرقا بلا دمع وجراح ،،،وتجيك وحده من الكشافه تقول: الله الله فراق وحب وش عندك لاتكون تحبين قلت: حب ايه الي انت جاي تقول عليه على بالي بسكتها الا وهي تقول بصوت عالي : من ورانا تحبين هاه وكل الخيمه فجأه سكتت وانا اقول : اي احبتس ابي اسكتها المهم ان البنت لها شهر تتصل وماا رد ...

اي اقولكم المراهقات جلسوا يتابعون الفيلم وهم يخقون هالممثل وانا اقول خليني اشوف هالخقه صدز زين ولا بس خقه مراهقات وشفته ويالتني ماشفته جلست اتابع الفيلم معهم وهم نسيوا الفيلم ومير يخقون عالممثل بس وانا رحت بخرايطها اقصد بتفاصيل هالفيلم واخش جو معهم خاصة مشهد الحبيب وهو يعطي حبيبته ورده تحت المطر ويمشون بالمظله تحت المطر حسيت اني ابي اشتري مظله ماادري ليه :

وانا بقمة الرومانسيه الا والكنترول ( المراهقات ) يقول الحين الحين بيعطيها انا تحمست توقعت هديه مثلا الا وال وعميقة بعد وكلهم مستانسين وانا غطيت عيوني ثمن فهيت ثمن عصبت عادي يعني يشوفون هالمشهد والامهات متسانسات معاهم يا اخي هالمشاهد تخدش الحياء مير مااحد عندي يضحكون علي يقولون: فاتتس ليه تغطين عيونك والثانيه تقول: يالتني انا بدالهاـــــــــــــــــــ طبعا هنا قلت مابدهاش لازم اتكلم لو كان هالخقه بيجي يخطبني على حصان ابيض منقط وردي ويقول لي انتي اميرتي ويخفق قلبي عندما أراك مالها دخل أدري


وفعلا وانا اوقف بنص الخيمه واقول :انتباااااااااااااااااااااااااااااااااااااااه فلا والله مافي العيش خير ...ولا الدنيا إذا ذهب الحياء ..... بقولكم كلمة لله وفي الله لزوايه زاوية أم أم بنت بنت طفل طفل <والظريفات هنا جالسين يضحكون يقولون القذافي ما أدري ليه يستظرفون > أن النظره الي انتوا مستهنين فيها تجركم لما هو اكثر واكثر حتى تصل للفاحشه والعياذ بالله فانتوا لما تغضون بصركم استجابة لأمر الله في قوله : ( قل للمؤمنين يغضوا من أبصارهم ) وتبعها بقوله : ( ويحفظوا فروجهم ) هذا يعني أن النظره تتبعها خطوه فخطيئة فالنظره الي تقولون: عادي احنا احسن من غيرنا ،،غيركم يابعدي بدأوها بنظره والقلب اشتهى وجرب وو....الخ
فيا أمة الله ( هنا حسيت اني في خطبة العيد وقلت خليني اثقفهم دامهم مستجيبين لي استغلال ياحبيبي استغلال ) اتقي الله في أولادك واخوتك ولتكوني شمعة يهتدون بها فوالله انه يعطي العبد نعمه ليختبره بها ايشكر ام يكفر يعني ربي اعطاني نعمه غيرك يفقدها وهي البصر وشكرها بغضها عما حرم الله واذا كان حرم وصف المرأه لغير المحارم من الرجال فكيف برؤيتها بكامل زينتها وهي في وضع وشسمه هذا المهم إنكم لو جت لقطات زي كذا لاتناظروها اصلا القناة الي فيها كذا مافيها خير ابد يعني المفروض ديليت واضعف الايمان اقلبوا القناة وياليت ماترجعولها بعد او غطوا عيونكم لأنكم غالين علي اقول هالكلام وانتوا جيل المستقبل والتوفيق حليف كل ذو خلق ودين هذا ،، ولذكر الله اكبر والله يعلم ماتفعلووون ،،،، الله اكبر هههههههههه تحمست بقوه خلاص اخر مره بكمل خلاص لاتدفون

فما انتهيت من الخطبه الا والزوايا الاربعه مع الكشافه والبزارين يضحكون ويقولون ياقدمك كل الاجهزه مليانه من هالصور لا وفيه فيديو بعد هنا انا احمر وجهي قهرا وخجلا : صار عندي ازدواج مشاعر ابي اكفخهم وابي اضمهم لانهم سمعوني للنهاية وطبعا زاوية الجدات اعجبتهم بجد وكأني سمعت وحده منهم بتخطبني احم بس لا احد يدري هههههههههههه تخبرون أخاف من العين

بس بصراحه جلست افكر بعنف اقصد بعمق لو اني غضيت بصري عن هالممثل الي خقينا عليه مع الكنترول كان ربي عوضني بخير منه يعني مثله وافضل منه بدينه بعد لاتستغربون من ترك شيئا لله عوضه الله خير منه
أهم شيء النيه يابنات وياشباب لاتغضون بصركم عشان يجيكم عريس او عروسه احلى وبس لازم قبل كل شيء عشان الله وحده حتى لو ماعوضك الحين ماتدرين عن الغيب ويكفيك إنها تقوي العقل وتورث محبة الله تخيل ملك الملوك يحبك ......
وبالنسبه للرجل نفس الشيء يمكن هالممثله المزيونه الي تشوفها يعوضك ربي بخير منها فغض بصرك فالشيطان يصور المرأة لك وهي مقبله وهي مدبره يعني ماتشوفها الا والشيطان معها هههههههههههههه استغفر الله بس حقيقه فالشاهد اني طلعت من الاستراحه وانا على رأسي ريشه لأني بحماية الجدات من المراهقات الي هم الكنترول لان يدهم تحكهم يبون هواش معي


المهم ياحلوين نبي ندخل الجنه كلنا وهي حفت بالشهوات واذا حابين ندخلها بسهوله نغض بصرنا حتى نسيطر على شهواتنا وندخل الجنه ونشوف بعض هناك ,,,,يارب نسألك الجنه بلا حساب ولا عقاب نحن ومن نحب ...
لكل واحد قرأ له




ملاحظه مهمه : ( لا اقصد المراهقين كسن معين ولكن ككلمة تقال لكل من لايعرف جيدا الصح من الخطأ فقط )