يا طول صبري وآآآه ياكبر بلواي

[رمال المدينه]

دربي طويل وتايه فيـه ممشـاي

مثل الغريب اللي مضيـع دليلـه


يحدني وقتي على ضيـم دنيـاي

ورضيت بالمقسوم حتـى قليلـه


ياطول صبري وآآه ياكبر بلـواي

اخفي عن العدوان همـي واشيلـه


اخاف ابوح بسد قلبي وشكـواي

وتصير نفسي بين ربعـي ذليلـه


اضحك ودايم بسمتي تسكن اشفاي

ومن شاف حالي قال مااحد مثيله


وانا بجوفي هم والنار باحشـاي

والجرح ينزف والليالـي طويلـه


والعمر يمضي بي وحاير بمسعاي

محروم من طعم الحيـاة الجميلـه


الياس حل وماتت اليوم رجـواي

ولاعاد لي غير الصبر من وسيله


ياحظي البايرتعثربـك اخطـاي

ياحيلـة الله مابقـي فـي حيلـه


يالله ياعالـم بسـري ونجـواي

تزيل عـن قلبـي همـوم ثقيلـه