[ب.المحمدي]

اهلا فيكي .. انا اختك بشائر وراح اجاوب عليكي باللي اقدر عليه
وبأخر شي صار في المدرسة السنة هذي والله يقدرني اني افيدك ...

1- هل الطالبه هي من تذهب الى المعلمه يعني زي الجامعه او لا؟

النظـــــــام مو نظام قاعات .. لكن بالنسبة للاحياء والكيمياء تجي ايام بنروح للمعمل .

2- هل تستخدم السبورات الذكيه ام العاديه؟ برضو نفس الشئ عن المدرسه

تم تطبيق السبورات الذكية لهذا الترم وتم تغير الاجهزة واستبدالها بأجهزة جديده وراح يتم تغير جذري ان شاء الله للاحسن ..

3-لابد ان يكون تقديرالطالبه بالرياضيات والانقلش والعلوم ممتاز ام تقبل اذا جابت جيدجدا اوجيد

ولا انو الاهم يكون التقدير العام ممتاز ؟

ممممممم فِ ذا الشي انا م راح اقدر افيدك كثير لان المديرة اتغيت الترم هذا ما اعرف عن نظامها الجديد لكن المديرة في منتهى الروعة وتطمح لتحسين مستوى الطالبات بشكل فعال _ جزاها الله خير_

4-المريول نفس لون وشكل المدارس العاديه ولا له لون مختلف وشيال؟

قريت في موضوع (المريول)انه السنه الجايه ممكن يتغير ابغى تاكيد عشان لو سجلت فيها السنه

الجايه اجي بنفس مرايلكم مو مريول غير

حــــــــــاليـــــا المرايل لونها بني مع قميص وردي مقلم لسنة اولى وبيج مقلم لثانية وازرق مقلم لثالثة .. والى الآن ما جاء اي تغير ..

5-هل تقبل الطالبه اذا كانت نسبتها 90 او في بدايتها ام لابد ان تكون95؟

حبيبتي انتي لا تشيلي هم النسبة اهم شي تكوني مقتنعة انك تدخلي الـ 19

6-لابد يكون سكن الطالبه قريب من المدرسه ولا عادي؟

لا .. مو شرط لكن الاهم عدم التأخير الصباحي ...
وحسب القواعد الجديده اذا جيتي متأخر لازم تجيبي صورة من كرت العائلة ..
فخذي بالك وحاسبي انك توصلي متأخر عن المرسة ...

7-هل المدرسه في الخالديه ام في حي اخر ووين موقعها بزبط ؟

يب يب فِ الخالدية تحديدا خلف بن داوود




حابة اضيف لك حاجة عن الغياب
الغياب بربع ..
ومعاكي فرصة للعذر الخطي ( اللي هو بخط ولي امرك) مرتين بس وبعد كذا ما ينقبل منك الا الاعذارالطبية ..وينحسب الغياب في كل المواد "يعني" العذر اللي تجيبيه لازم يشوفوه كل معلمات المواد اللي غبتي عنها فِ ذا اليوم ..



الـــ 19 ... مدرسة في قمة الرووووووعة ابدا ما راح تندمي انك دخلتيها وكلنا اخوات بعض والمعلمات عسل ما في منهم ..