جيتك عشان آبشرك
جانا مطر ..!
دوّرت عذر وجيت لك
مثـّل معي ..!
قلّي بآنك ما دريت
واندهش ..!
قلّي عشان آقول لك
برا تطش !
والغيم هذا يشبهك
قبل افقدك ..!
يومك تجيني واحتفي
مطر .. مطر ..!
صوتك/ عيونك/ ضحكتك
رجفة يدك ..!
جنونك اللي فوق ارضي
ينهمر ..!
صباحك اللي فاق
لجل يمرّ بي ..!
وانا هربت من الظلام
وفقت له ..!
سؤالك المملي حنين
وفيض حُب
سكوتك اللي ما يشابه
للسكوت ..!
حريّة الضيقة اذا
فضفضت لك
لا طارت وما صار
له صدري قفص!
صدقي ليا من قلت انا:
اشتقت لك !
كذبي ليا من قلت لك :
حبّي نقص !
ايامي الحلوه/ سماك
وغيمتك ..!
رجعْتك/ من بعد الضياع
فـ غيبتك ..!
اشياء كثيرة غايبه
كانت مطر
واليوم من جانا مطر
جيت اسبقه
جيتك عشان آبشرك
بأن الغصون تبللت
الا انا
واني هنا يا غيمتي
اني هنا ..!
---------------------------
|