يمكن اتغلــّـى/ و لكن ما اغيب
يمكن اتشـرّه/ و لكن باحترام
( ما هو اكبر هــم / ادوّر لي حبيب)
و الطموح ابعد / من احدود الغرام
و ان عشقت ..؟ / العشق و الله ما يعيب
دام لي مبد أ/ و قيمه/ و اهتمـــــــــام
شفني كيف ارمي يديني / " بالقليب "
ما لقيت الا الصدى / وسط الظلام
و الصدى ( جاوب) / و انا ماقدر ( اجيب)
و ادري انــــي لو ابي جبت ( الغـــــمام )
كل من حولي / على افعالي رقيب
و القرايب همــّـهم / بس الملام
خيـــّبوا فيهم /ظنون ٍ ما تخيب
لين حدّوني /على عيال الحرام
يحسبوني لا تردّا بي / نصيب
\ برمي احزاني / على قلوب الأناام
مندفن في وسط صدري / قلب ذيب
\ ما دِفنت الراس / يا روْس النعام
صرت اضـم ّ الجرح بعيوني / و اطيب
و اجمع همومي /على صدري .. و انام
يا قصيدي و انت لي / حسبة صحيب
تفزع لهمـّـي / اذا شح ّ .. الكلام
خلــّـك لأوتار حزني / عندليب
دام بين الليل/و الصبح انسجام
لا تحط ّ اللوم / كله بالنصيب
و لا تخليني/ على حد ّ .. انهــزام
طبعي أغرب \ و الغريب \اني غريب .!!
ما عرفت اللي أبي / وسط الزحام
.