وش تحترين
( مآيسمعون ) !!
ولو سمعوا مايرجعون
أقفوا .. و حنـّا ننتظر مآيرجعون
ودي اسولف لك عنه
قلبٍ جفته الأمكنه
وأحبابه أيضآ مادروا ولو هم دروا مايرجعون
مثلي تجرعتي الحنين
وش تحترين ؟!
أبـ أختصر لك قصتي ..
رغم إنكساري و غصّتي
من عام وأكثر .. كنت أجي وأدوّر / أحبابي هنا
وأقول يـ اللي غايبين [ الله لنا ]
و( محد / يردّ ) إلا البحر صوته , وأمواجه , و أنا
صرنا مع الوقت أصدقا !
و" أحباب قلبي مادروا " ولو هم دروا مآيرجعون
قولي لي يا بنت الوفا منهو صفا ؟!
وقولي لي وش سرّ ( الحنين ) اللي ليـــآ / أشتقنا يبيــن !
يمكن الآقي لي عذر أحطّـه بـ : ( وجه السنين )
يابنت أحلامك بحر و أحبابك اللي غايبين ماجرّبوا ( طعم القهر )
قومي معي ..
يمّ الفضآ خلّ نعطي الغايب ظهر !
و ننساهـ و ننسى مامضى
ونعيش باقي هـ العمرلو أن نصـّه أنقضى
كنـّـه شهر و ( مايرجعون )
يابنت لو زاد الحنين لآ تشتكين ..
وإن مرّك أحبابك غلط /قولي لهم :
[ ماهمــّــني ]
واللي تشوفونه ترى ماهو حنين ..
اللي تشوفونه فرح !
لكن من زود الحيآ عيـــّـآ يبيــــن
مايرجعون راحوا و حنا ( نحتري ) !
و جروحنا .. ماهي رخاص
كم جرح مبطي مآ برى !
تعالي نوقف لـ الغياب و نصيـــح ( منهو / يشتري )؟!
يابنت أبــ أكتب لك شعر, ولآ تفرحين بـ كلمتي .. ( لأنه حزين )
وأنا أدري [ منتي ناقصة جرح و أنين ] !
لكن الحزن لو هوثانية يفضح من الفرحة سنين ..
أمشي معي
وش تنفع الجلسة هنا !!
كل الأوادم لـ الفنا
وأحبابنا اللي غايبين / مايعرفون إنـّا هنا..
ولو هم دروا ( مايرجعون ) !!