[هيفاء القمر]

سلطان الغلا

جيت الحمد السخي والشكر للرحمن

يــا هلا بك يـــــا هلا يالوا في الأوفى

التهاني لـــخـــــادم البيتين للأوطان

عــــاد سلطان الغلا ,وتو الجفن يغفى

سيدي دارك تهلى وقلبها شـــفــقان

وكــل صدر صار بك يوم اللقا مرفا

الشــعـب كله بطلة شمسكم طربان

والله أن الـــــكــــون ساعة جيتك يدفا

من زمان وبسمة أيام الوطن سلطان

في حضوره تزدهي, وبغيبته تخفى

الحبيب اللي سرى حبه مع الشريان

والطبيب اللي صواب الشوق به يشفى

عاد والدنيا غدت عيد وفرح وألوان

وانطفى جمر انتظاره, والسهاد أقفى

يا إلهي يا ملاذي صــاحب العرفان

احفظ أغلى إنسان يسكن داخلي, تكفى