[~.. بسمة أمل ..~]

رباه تسمع صوتي بهالمدينه ..
لاصار صمتي مجتمع فيه حولي ..

قالوا لي : إكتب للرسول وسنينه ..
مدح وفخر والا رثاء في رسولي ..

رباه تمطرني الحروف الرزينه ..
واقطف سنابل مثمره من حقولي ..

متخضره بـ إسم النبي يا معينه ..
في كل هـم .. وكل فعـلـ(ن) بطولي ..

وفي نشر دينك .. يوم جانا بـ ايدينه ..
فوق الجبل صوّت بـ موقف رجولي ..

كان النذير .. وكلنا تابعيـنه ..
لـ أنه .. أمين وصادقـ(ن) فـ المقولي ..

ولـ أنه رسولك .. كلنا مفتدينه ..
في كل ما نملك .. بـ فعل(ن) وقولي ..

ولـ أني أحبه .. كثر عطفه ولينه ..
بـ ارقى بذكرهـ .. لا تمادى نزولي ..

المصطفى .. ذكرهـ يجيب السكينه ..
لازاد حملي .. هوّن إسمه .. حمولي ..

هو الحبيب .. وفي فؤادي .. حنينه ..
أشتاق لهْ .. ولـ غيرهـِ لست أولي ..

نعم .. أنا .. ودي أقبّل جبينه ..
ذي غايتي من كان فكري طفولي ..

يارب تجمع .. راحتي بـراحتينه ..
في جنتك .. يارب وأعلن وصولي ..

"".....فــــــــــداكــ روحــي يااارســـول الله....