أنا مع هالكلام في حال لو كان فيه تصريح من الوزارة بخصوصه ،،، لكن كأنهم يخجلون من ذكر كلمة أمر ملكي ، المفروض تكون الوزارة فرحانة لأن الملك شال عنهم حمل ثقيل جدا ،، وبالتالي يؤدون رسالتهم وشغلهم على أكمل وجه ،، لكن التعتيم الحاصل شيء لا يحتمل ويكفي انه عامل ضغط نفسي علينا ، فرحنا أمس من خبر عاجل و لكن ما لبثت الفرحة أن زالت بعد حذف الخبر بحجة عطل بالنظام ،، وها نحن ننتظر من الظهر وحتى الآن ولا نعلم عن مصيرنا شيء ،، لماذا الوزارة ساكتة كل هذا السكوت ،، احتملنا كثيرا ،، ولا زلنا ننتظر، لا تهنينا باجازة ورمضان قرب وان جا رمضان خلاص ماعاد فيه لا روحة ولا سفر و لاشي ،، الوقت ضيق والنهار طويل والليل قصير ،، وان خلص رمضان ،، ما يمديك تعيد ،،، وبعدين متى برمضان يمدي الواحد يعمل مقابل ويعمل فحص طبي ،، وينتظر النتيجة النهائية ولو خلصنا بكون أو شكنا على نص رمضان ،، طيب متى يمدي الواحد ياخذ التوجيه ومتى يسلم نفسه لإدارة التعليم الموجه لها ،،، طيب أكيد يحتاج مصاريف ، من وين له وهو لا راتب ولا شي ،، طيب على مايلقى له سكن ويظبط أموره ويرجع الرياض يخلص أموره ويستقيل من وظيفته لو كان متوظف بمدارس خاصة مثلا عشان ياخذ مستحقاته ،، الوقت لا يسمح أبدا ،، ولا أظن أن التربية عندها خطة لذلك كله ،، عين الخريج وارميه بأي مكان ،، وهو يدبر نفسه ،،، وكاننا باختبار صاعقة ، العام الماضي الأسماء خالصة من وقت طويل وكل واحد عرف يدبر نفسه ،،، المنطق يقول المفروض إننا مخلصين الكشف الطبي الان وونتظر التوجيه ،، والمنطق يقول أن المقابلات أجريت وخلصت ،،، والمنطق يقول ان الإيام هذي نتسلم التوجيه على أقصى تقدير ،، لكن الحاص اننا ما بدأنا أي إجراء حقيقي ،،، ماني مصدق إن لي شهر من طابقت الآن وجالس انتظر نتيجة المفروض تكون خالص من شهر أساسا.
الله يستر من الجاي ،، كل ما مرت الأيام ازداد تشاؤمي ونفد صبري.
|