[ربيع الأماني]

السلام عليكم ورحمة الله وبركاته

هذا خبر لقد قرأته في منتدى البطالة ، وصاحب الموضوع أسمه ( شاعر الهلال ) هو بنفسه ذهب إلى وزارة الخدمة المدنية بالرياض ، ولقد أحببت أني أنقله لكم ، لا غير ، وأرجو من الجميع ان يسامحني:::




إعلان أسماء المرشحين راح يكون يوم الأثنين (بعد غد) 4/7/1432

ومطابقة أسماء المرشحات راح يكون يوم الأثنين 25/7/1432




بصراحة بعد ماسمعت أخبار كثيرة أن الأسماء راح تكون هذا الاسبوع وخاصة أن هالخبر أعلنه موقع ألكتروني مصرح قلت دامي فاضي خلني أروح أتأكد

المهم أول مادخلت مكتب مدير إعلان الوظائف وقفت على الباب لأن كان عنده رجال
وسمعته يقول للرجال أن مطابقة المرشحات راح تكون ب25/7 وشفته ماسك ورقة

وماحسيت نفسي ألا داخل عرض وقلت أبي أعرف متى الاسماء قال خلال 10 أيام كحد أقصى
حاولت معه يعطيني تاريخ بدون فايدة

بعدين طلعت من عنده وبعد ماشفت راح الرجال من عنده رجعتله
وقلت يالغالي انا جاي من برا الرياض (كذبة بيضا صووووح) وتكفى ابي أعرف متى الأسماء
قال ياولدي بأذن الله قريبة وخلال هذا الأسبوع
قلت كم نسبة هذا الاسبوع
قال 100% بأذن الله
وطبعا كل هالفترة وأنا أحاول أشوف وش مكتوب بالورقة اللي معه
وفيها تواريخ كثيرة
أول تاريخ فيها 4/7 وكأني لمحت مكتوب بجنبه إعلان اسماء المرشحين
وثاني تاريخ يوم السبت 9/7 بس والله مدري وش مكتوب عنده (يعني السبت القادم)
وفيه تواريخ كثيرة متقاربة ومن ضمنها تاريخ 25/7 مطابقة المرشحات

وبذالك تأكد مليون بالمية أن الأسماء هذا الاسبوع
و99,9% أنها راح تكون يوم الاثنين القادم 4/7 ألا اذا صار شي لاسمح الله


المصدر::: http://www.btalah.com/showthread.php?t=286468&page=697