[..قلب مجروح..]

مآدري علامك مرورك ليه متغير
ياللي إحروفي بعد غيبتك سهرانه

وآشوف حظرتك تبغى ترد وتخير
وآنا لردك إعيوني دوم شفقانه

تبي الحقيقه تراني فيك متحير
ومن كثر صمتك إهتز القلب وآركانه

وإن كآن طولت هالصده آباخير
عن لعبه الشعر والطاروق ووزانه

مافيه غيرك كبير إن كآن وصغير
يستاهل إحروف شعري وآعذب آلحانه

لجلك آفكآر القوافي صوبي إتسير
وآنزف لها الحبر من دمي وشريانه

سكت لرضاك لو القلب متطير
بسمك وقلبك لقلبي صار عنوانه

عآشق ومفتون فيك وصمتك يحير
مآدري على راضي آو النفس زعلانه

من بين كل البشر لرضاك متخير
والنفس لرضاك والله حيل عطشانه