[منى الحازمي]

[align=center]احترامي لك منع بوحي بوجدي
ولجل هذا نبقى عند الاحترام
لاتسيئي الظن قصدي الوضع جدي
بيني وبينك برسمية كلام
ونا لو ودي ابوح بجوف ردي
من محبه مايكفيني هيام
كم الّوح لك ومد ولاتمدي
عيني تشوفك وتقصر عن سلام
لو رخيت الحبل لك قمتي تشدي
ولو اشده صرتي عقدة التزام
ادري انك فوق عن كل التمدي
وادري انك بنت كلك احتشام
بس مافي الود عيب ولا تردي
يكفي انك حارمه عيني المنام
مافهمتيني,وقصدي كان قصدي
ان مقال الحب يبقي له مقام
مافتني غير انك كنتي قدي
بكل ماتعني المحبه من وئام
لو زرعتي نيتك في بيض يدي
ماجنيتي غير زرع الاستقام
شامخه بالود وانفاسك تعدي
بين انفاسي اريج وابتسام
لو تصدي ماتصد اصداء صدي
ودكم جاري بأنفاسي خزام
بعدكم عن نبع قلبي غير مجدي
دام ودي فوق ارضك كالغمام
ان ضميت ارويك من فيضي وودي
وان جرحت اجيك كلي التئام
ورغم هذا البعد ماجيز التحدي
الجفاء في الود عكس الاهتمام
احترامي لك منع اشياء ضدي
واحترامك لي منع بوح الغرام
هاك شعري جاك في اسطول مجدي
انهزمنا ونتظر منك الوسام[/align]

القناعة