ودي انا دعوة على حسن نيه
دعوة صلاح لي بخير المآلي
بستسمح اللي جاه مني خطية
واطلب رضاكم ياهلي وياخوالي
يمه انا قصـرت معـكِ شويــه
يابوي سامح ياخلف من بقى لي
يا من رضاكم فوق هام الثريا
سالتكم رضوان لبوا سؤالي
لامن دفنتوني ورحتوا سويه
وسمعت مشيتكم وصوت النعالي
قلبي غدا جمرة وسط نار حيه
تعب ينادي ياترا وش جرالي؟؟
لفى علي اشخاص غربٍ عليه
واقبل علي حساب ماضي فعالي
اصبحت انا تحت الترايب خفيه
مدفونة وحدي وياعز حالي
اشوف جنبي الف عقرب وحيه
ودودٍ نهش لحمي وشوّه جمالي
وذيابة بالليل اسمع عوية
ياوحشة بي كيف بجلس لحالي
لامن نساني الناس وابوي عيا
كلن نسى قبري ووحده عنى لي
كنّي اشوفه جاي قبل العشيه
جاني ووقف جنب قبري ودعالي
ربي يجازيني بصحبة نبيه
وانهار تجري عن يمين وشمالي
وجنان اسرح في هواها رضية
وانتم معي يارب ابلغ منالي
آآآآآآآآآآآآآآآآآمين