منتدى التعليم توزيع وتحضير المواد الدراسية

منتدى التعليم توزيع وتحضير المواد الدراسية (https://www.education-ksa.com/index.php)
-   الثــقــافــة والأدب (https://www.education-ksa.com/forumdisplay.php?f=133)
-   -   الغربـــه !لشاعرنا : عبدالله الظفيري (https://www.education-ksa.com/showthread.php?t=23535)

نهر الأمل 2011-02-20 10:50 PM

الغربـــه !لشاعرنا : عبدالله الظفيري
 
الغربـــه !!



أبد لاتسأليـن بغربتـي عـن آخـر الأخبار
عمت عين السفر دامي أذوق المر من كاسـه!


أنا اللي بسألك قولي..جواب بكلمتيـن صغـار
بلد من دونك (اش) يسوى بعيني؟ يابعد ناسـه

حقيقه..ما أطيق البعد لو هو بيننـا أمتـار!!
ولكن هالفراق أقـوى ولاينفـع بـه سياسـه

ترى لولا اتصالاتك..برغـم اللي يدق..كثار
حشى مافيه أحد غيرك يرد لصـدري أنفاسـه

ألا ياشـوق خفـاق ٍ ضويتـي ظلمتـه أنـوار
وصار اليوم ينبض لك مشـاعر حيل حساسـه

تبي تدرين بفراقك معي يا الغاليه وش صـار؟؟
تبي تعرفين مجنونك وش اللي قالب ٍ راسـه؟؟

لك الله عايش بحالي/لحالي..شاعـر ٍ منهـار
وأنا كل ما طريتي لي صرخ شعري بقرطاسـه!

يمر يومي..ولابه غير همـي والحـزن زوار
عسى الله يرحمه حال ٍ غدا هالثنيـن جلاسـه

شحن جوالي أنهيته!!أقفّل..وافتحه أمـرار!!
قسم لولا رسايلنـا..حبيبـك قاتلـه ياسـه!!

فقدتك والدمع لامن فقدتك يفضـح الأسـرار
ولا أشره علـى وقـتٍ بـه الأيـام دساسـه !!

أسلي نفسي بكثر الأمانـي..واليديـن قصـار
وأنام وربي العالم وش اللي خاطري حاسـه !!!

كأني من ملك أسهم يبي تضحـك لـه الأقـدار
وقدّم كل ماعنـده..وفجـأه أعلـن إفلاسـه !!

كأني طالـب بغربـه..تذكّـر عيلتـه والـدار
وهو كل ماذكـر أمـه!مـلا هالدمـع كراسـه

أعاني كثر ماتملـك ومالـك بالحشـى تذكـار
و(أحبك)والبلا حبـك أبـد مـا أملك قياسـه

جعل في داخلي عرق ٍ سمع بك يا الغلا ماثـار!
يموت..و وش لي بعرق فوصالك ميت إحساسه

حياتي تسأليني عن جديدي بالشعـر وأحتـار؟
وش أكتب لك شعر وانتي غديتي اليوم نبراسه!

ولكن أوعدك شعـر ٍ لاقولـه يتعـب الشعّـار
متى ماشفتك وموعـد لقانـا دقـت أجراسـه

لأن مافيني أتحمّل بعـادك فـي سفـر وانهـار
عسى لايعيدها سفره..ولو هي كانت دراسه!!!

منقووووول لشاعرنا : عبدالله الظفيري

#منال 2011-02-20 11:19 PM

كلمات رائعه
شكرا لك ويعطيك العافيه

خـــالد الســـالم 2011-02-21 02:59 PM


أبو سُــــلاف 2011-02-21 07:19 PM

[align=center]
بارك الله فيك
[/align]

صريح ومستريح 2011-02-23 06:08 PM

نقل رائع

مشكورة نهر الامل


الساعة الآن 06:27 PM

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir