|
متـــــــى توجيه دفعة 434 و 106
السلام عليكم ورحمة الله وبركاته
يااخوان تكفون الي عنده خبر عن التوجيه لدفعة 434 و106 يفيدنا مع العلم اننا اجرينا المقابله وادخلنا الرغبااااااات |
انا مثلك خلصت مقابلة والرغبات بس الخبر الاكيد خلال الاسبوعين هذي أو بالأحرى مع نهاية شهر شوال |
وانا معاكم بس لنا موعد بالخدمه الاسبوع الجاي
|
نادر العلوني
انا رحت لديوان الخدمه المدنيه علشان اسلمههم ورقة المقابله ورفضوا ياخذونها قالوا انتظر انتظر انتظر الين تجيك رساله على الجوال |
اقتباس:
نفس الكلام صار معي والله يستر لا تكون تصريفه منهم |
اقتباس:
اذا صآر معك شيء جديد تعال وخبرنآ :k055: ok |
ابشر ياغالي بس هم قالوا تجيكم رسائل على الجوال
|
اقتباس:
اذا رحت تعال وخبرنا ايش قالوا |
اقتباس:
ايه نفس الكلام بس انا كنت اقصد العلوني المهم الي يصير معه خبر جديد يبلغنا وانا كمان اذا صار معي شي بخبركم |
يمكن التوجيه مع دفعتنا دفعة الامر الملكي دام ان الأمر فيها هرجة اسبوعين والله اعلم...
|
انا ان شاء الله ابغى اروح يوم الاحد الجاي
|
حتى أنا بروح يوم الاحد لديوان تبوك وأستفسر منهم وان شاء الله أجيب الخبر الاكيــــــــــــــــد وبالتوفيق للجميع
|
[align=center]
^^ أجل لا تنسون تخبرونا وش صار معآكم تكفون ترون لآ أوصيكم وهالله هالله بالأسئلة الكثيرة , ..؟؟[/align] |
اقتباس:
طيب انت يالغآلي متى خلصت المقابلة ومن اي دفعة بالتحديد |
[align=center]
شباب الي يصير معه شيء يوم الأحد الي هو بكرة لا ينسى يبلغنا [/align] |
ok خلها على الله ايش تخصصك وعلى اي ديوان مقدم انت
|
[align=center]هيه من اول على الله وحتى اسمي في المنتدى خلها على الله
. . انجليزي ومقدم على ديوان الخدمة ( جدارة ) وانت ؟؟ وكيف الوضع بكرة بتروح ولا بتنتظر رسالة ؟؟؟![/align] |
أنا فيزياء ومقدم على جداره وسويت المقابله بتبوك وبراجع ديوان تبوك
وان شاء الله بكره بروح لهم واجيب لك العلوووووووم دعواتك ياحبيبي |
أخوي خلها على الله انت من دفعة 434 او دفعة الملك وباي ديوان تراجع ولمى سويت المقابله اعطوك ورقة حضور مقابله وقالوا لك راجع الديوان حبيت اسالك الديوان الي راجعت فيه قالوا لك انتظر رساله والا بس ديوان تبوك الي طالعين بالرسايل ومعليش على كثر الاسئله
|
اقتباس:
الله يوفقك ويسهل خطاك ويرزقك يآرب العالمين وأنا بانتظآرك |
اقتباس:
ايه يالغآلي من دفعة ال434 وأراجع بديوان جيزان وجدة وكلهم نفس الشيء انتظر رسالة انا سويت المقابلة في جدة وأخذت ورقة مشهد للمقابلة وقالولي انتظر رسالة ولا تروح للخدمة الا اذا جتك الرسالة |
مشكور ياغالي وان شاء الله يكون التعين قريب ان شاء الله
الله يسعدك ويرزقك الرزق الحلال |
اقتباس:
الله يسمع منك , آآآمين يآآآرب |
السلام عليكم ورحمة الله وبركاته .. صباح الخير
اليوم رحت لوزارة الشئون المدرسيه وطبعت الرغبات طبعا ماتغير شي نفس الرغبات الي رتبتها وسالتهم متى التوجيه وقالي مدري بس احنا رفعنا بياناتكم لديوان يوم الاربعاء الماضي راجع الديوان المهـــــــــم رحت للديوان وسالتهم متى التوجيه قالي انتظر رساله على الجوال وقالي يمكن بعد اسبوع او اسبوعين لين تطلع المفاضله وسلامتكم |
[align=center]
الله يجزآك ألف خير ي الغآلي مشكور ومآتقصر يعني العلوم الأكيدة بعد اسبوعين يالله ننتظر ونشوف عسى الله يكتبلنا فيها خير يارب الف شكر[/align] |
العفو حبيبي ماسوينا شي
حبيت استشيرك جاني تعاقد بكلية التقنيه لمدة سنه اروح والا انتظر التدريس |
اقتباس:
والله يالغآلي حآول تأخرهم هالأسبوعين عسى الله يكتبك من بين ال7000 يآرب وترتآح واذا ما طلع اسمك بينهم لا سمح الله توكل على الله واسألهم عن الرآتب <<<< أهم شيء موفق ي الغآلي |
هم قالوا تعاقد والراتب حيكون 9500 والله الراتب خيال
بس أنا مستغرب ليش الناس يفضلون التدريس مع أن راتب المعلم اقل من كذا |
اقتباس:
لأنه المعلم مع السنوات رآح يوصل 15 17 الف يآرجل هذا غير الاجازات الاضطرارية والتأمينات الطبية والبدلات أما التعآقد هو هو مآيتغير |
طيب راتب المعلم غير التربوي اول مايتعين كم ؟؟
وماهي البدلات الي ياخذه ؟؟ معليش ياقلبي سامحني غثيتك باسئلتي |
اقتباس:
ماعندك أي مشكلة ي الغآلي واليوم أنت جبتلنا أخبار من الديوآن ومآتقصر . على حد علمي انتم على المستوى 4 هو 7588 ريال ولكن على ما أظن أنه ليس الصافي بل هو الصافي + بدل غلاء المعيشة وأعتقد انه يفرق عننا ب400 ريال تقريباً ورآح ترتفع مع الزمن والله أعلم |
الدفعتين 106+434 وانا منها آمرها غريب نوعا ما ,اتاحو لهم اضافة الرغبات قبل دفعة 11052 رغم ان دفعة 11052 اقدم لكن هل راح ننتظر الين يظهر رابط الرغبات لدفعة 11052 وينتهون او راح نعين ونوجه قبلهم ام سوين ؟
|
اقتباس:
هلا والله فيك ننتظر اسبوعين ونشوف ايش الهرجه يمكن نصيبنا من عند الله كذا محد يدري المهم يالغالي لاجاك اي خبر تعال علمنا لا أوصيك جاتك رسالة او اي خبر تعال هنا على طول واحنا بنسوي مثلك |
أخوي خلها علا الله مشكور ماقصرت
يعني راتب المعلم غير التربوي 7588 طيب انا سمعت ان فيه بدل نقل الي هو 600 مدري يحسب لنا او لا |
اقتباس:
والله يقولون بدل النقل 600 ريال هذا كان زمآن مادري الحين كيف اختلف الوضع المهم , ايش قررت تسوي بتوقع العقد , ولا بتنتظر ؟؟ لأنه على حسب كلامهم الاعلان راح يكون في شهر ذي القعدة وماندري في اي يوم بالضبط |
والله ياغالي لسى ماوقعت الموظف الي كلمني قالي عقد بالقريات بس انا رفضت وقلت له انا ابغى تبوك وقالي تبوك فيه قدامك 3 اذا رفضوا راح ندق عليك
وكمان فيه تقديم على وظائف معيدين بجامعة تبوك وانا رئيس قسمي مرشحني بس أنا متردد كثير وأهلي ضاغطين علي مايبغوني اروح برا والله اني محتاااااااااار ومدري ويش أسوي تكفى شور علي يمكن أستفيد من مشورتك الله يوفقك أنت لو كنت مكاني فين تروح تدريس أو معيد |
اقتباس:
وليش ماتكلمت من بدري الله يهديك بس ... معيد أفضل بكثير.... الراااتب اكيد اعلى وبإعتقادي تبدأ 10000 ريال بدون طابور ووجع راس بدلات + تخلص محاضراتك ومع الباب طلابك جامعيين ولا واحد يقدر يسوي اي حركة حقوقك محفوظة مو زي المعلم كل من هب ودب رفع صوته عليه هذا كله وانت معزز مكرم عند أهلك وناسك وبدون غربة وبدون سكن عزابي وقلة حيا حبيبي توكل على الله وسجل معيد وانت أبخص |
ياغالي أنا أقصد أن المعيد لازم يروح بعثه واهلي مايبغوني اطلع بعثه
والا انا عارف ان الاعاده افضل بكثيرررر من التدريس بس المعلم مرتاح ماعنده شي يداوم الساعه 7 والظهر طالع وبعدين ماهو ملزوم يكمل ماجستير ودكتوراه وماشاء الله رواتبهم ممتازه وبعدين راح ينقل لين يقرب من المدرسه الي عند بيته |
اقتباس:
اهاااا فهمت عليك اجل اترك البعثة على جنب وخليك في التدريس احنا مانصدق نتخرج نرجع للمذاكرة والوجع وان شآء الله تكون خير لك |
الاخ خلاها على الله ممكن سؤال الي فهمته تخصصك e لوسمحت اي دفعه واي سنه وكم عدد الانجليزي من 434 وهل هم من ضمن 793 او اضافة عليها واف شكر وتقديرررررررررررررر
|
| الساعة الآن 01:55 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
تصميم تطبيقات الجوال, شركة تصميم مواقع ، تصميم متاجر ، تسويق الكتروني , ارشفة مواقع ، مكتب ترجمة معتمدة ، استقدام خادمات ، شركة سيو