|
خلاص طفح الكيل لابوهم لابو وظايفهم
السلام عليكم ورحمة الله وبركاته
شباب بنات انا تخصصي لغه عربيه وعلوم اجتماعيه متخرجه من كلية اعداد المعلمات وابي مجالات وظيفيه اقدّم عليها غير مجال التعليييييييييييييييييييم خلاص ماعاد ابيهم ولا عاد ابي وظايفهم تقال انّا نشحدهم اللي يعرف مجالات للتوظيف لهالتخصص ذا يقولي ولا والله والله والله لااسوي اللي براسي واللي فيها فيها مصخووووووووووها هي اصلا خاربه خاربه الله لايعوق بشر |
حاول تاخذ الجنسية القطرية
|
اقتباس:
هههههههههههههههههه تقولك اعداد معلمات وش تحس فيه انت بلكي القياس خبلبك مثل ما خبلبي<<<<<< تحداك تقولها عشر مرات |
والله وهذا وانتي مره وتسوين سذا
عاد كيف الشباب المساكين ما اقول غير الله لا يسامح من يتلاعب ب الامر الملكي |
طفح الكيل وبس الا فاض والله يستر من تاليها
|
محـــــــــد عطان اي اجابه !
|
ادرسي لغة ثانية مثلا فرنسية واشتغلي مترجمة في السفارة الفرنسية او في المدارس العالمية
|
لو عندنا اجابة كان سنعنا انفسنا ترى الحال من بعضها
لكن وكلي امرك لله سبحانه وتعالى |
اقتباس:
الله يجزاتس خير على التجاوب ابي مجالات وظيفيه ثانيه يعني وش المجال اللي يضفني انا وذا التخصص غير المجال التعليمي وين اروح وين القّي اين اطس ؟ |
اقتباس:
الله يرزقنا يارب رزقن من عنده ويخارجنا من ذا الخدمه الا عله ذي ماتخدم |
شوف اول بين لي وظائف رجالية والا نسائية لاني من نكك مافهمت
ثاني شئ تخصص لغه عربية والا اجتماعات |
اقتباس:
لا ياخوي وظايف نسائيه مو قلت بالبدايه اني خريجة كلية اعداد المعلمات وثاني شي تخصصي لغه عربيه وعلوم اجتماعيه مع بعضها >> ادري انه تخصص من عهد الديناصورات بس مشّها |
اقتباس:
الديناصورات انقرضت الا انت ليس عايشة ولاننسى شيخ الديناصورات فايتفضل بالقاء كلمة الديناصوالفايز وزير الخدمة المدينة مزززززززوح شوفي عندك اكثر من مجال بس اعتقد بعد امر الملك صار عن طريق الخدمة المدينة كل الوظائف وماعاد صار في تعاقد وسنه ومدري كم سنة وتترسم لا الامور تغيرت وتقدرين تقدمين في جدارة وظائف ادارية ولا تجلسي كذا روحى قدمي في ادارات التربية وفي البنوك والاحوال اللمدينة وفي الضمان والخدمة الاجتماعية وفي مجالات كثير والارزاق بيد الله اولا واخير واكثري من الاستغفار والدعاء نصيحة مني تحياتي لك بالتوفيق |
اقتباس:
لا ياخووووي طلبتك طلبه نخيتك رميت برقعي بحضنك تكفى لا تجيب لي طاري الخدمه ولا تحدني لها تكفى انا ابي طريق ثاني شغله ثانيه لاتمت للخدعه بصله بتاتآ البته وبعدين ياخوي محاكيتك ماغير تدربي راسها بوثيقتها يعني لادورات ولا شي يعني حالتي ميؤوس منها مابها طب >>يمكن القى لها طب بالخارج طيب الحين الصحف ذي لو اقدّم عليها تضفن وتحطن بزاويه اطلق اناملي بالكتابه فيها ولا انها تحط لي لوحه مكتوب عليها تحوووووويله ؟ تكفون ابي مجالات ثانيه بس الخدمه لاتطرونها |
اقتباس:
خلاص خذي برقعك وتعال بكرة الصباح هههههههههههههه الشيخ فؤاد الليل ماله صاحب مزوح اول شئ الى الان ماتبين شئ لافي الاوامر الملكية ولاغيرها ومدري هل فعلا تم التوقف عن التوظيف عن طريق الدوائر الحكومة واصبحت عن طريق وزارتها بالتنسيق مع الخدمة المدينة على امر ابو متعب ثاني شئ اغلب الوظائف اللى عن طريق المدارء بالوسطة يعني ابوى مدير مستشفي حظى اتوظف عنده مدير قسم وهكذا الا النادر االا يكون عنده شهادات وحق كرف وبعدين اشوف ان النساء لكم وظائف غير تعليمية كثير مثل الرعاية الاجتماعيه والامن العام =صيري عسكرية قصدى مباحثة اما الصحف فانا اعرف وحدة تشتغل في صحيفة مراسلة وتكتب تقارير عن الحالات الاجتماعية ولكن بظني الصحافة دخل اضافي وليس اساسي تحياتي لك بالتوفيق |
يمدحون قطر والامارات والكويت وعمان ووالبحرين
|
خوذي دورات حاسب مدتها سنة وقدمي على الشركات
|
اقتباس:
ياخوي جزاك الله خير ورحم الله والديك اللي ملوّنته بالاحمر ماندري عنه كلها للربع اللي حنا نعرفهم ياخذون الشي الزين واذا انتهوا ونقص عليهم فرّاشه ولا مراسله صرّحوا فيها وياليت بعد يعجبهم يقعدون يتشرطون هذولا ناس آمنا بالله مايخافون الله الوكاد اني خلاص غسلت يدي من الخدعه المتدنيه بديزل + قاز مجانآ >>العرض محدود وبارك الله فيك وخيي وجعل ربي يرزقك بالوظيفه اللي تسرّك واللي تتمناها |
اقتباس:
بتوظف في ديرتي غصب عن اكبر خشم ان راد الله |
اقتباس:
ان شاءالله اذا نزلت لي المكرمه اللي في شهر واحد آخذ فيها دورة حاسب>>>يجيب الله مطر ورعد وبرق وثلوج شكرآ لك على تجاوبك |
ههههه مالومك والله
الدعوى مصخت صايرين مثل الطراروة ننتظر صدقة الدبشة المدنية تتكرم علينا الهابوهم تقول هالوظايف من حلال اللي خلفوهم مب حق للمواطن |
اقتباس:
ياخوي خلاص ماعاد علي منهم لو يتصلون يترجوني يقولون لي تعالي نبي نوظفتس >> تهقى يسوونها رشحوني انا بدال ابو برطم وابشرو بعزكم قسم حتى عيالكم في المستقبل احجز لهم وظايف شكرا وخيي على مداخلتك ومشاركتي الشعور |
اقتباس:
المهم لا تنسي بآخر الليل وآخر ساعة من نهار الجمعة تدعي على من تسبب بظلمكـ وظلمنا عليكم بالدعاء من رب الأرباب بأن يفتحها بوجيهنا ويبعد عنا الحاسدون الفاسدون ويبيدهم . |
هذه مشكلتنا حنا خريجات كليات اعداد المعلمات مالنا مجال الا التدريس
وانا خريجة هذه الكلية المفروض يعيننونا مثل خريجي كليات المعلمين |
أخواني وأخواتي اسأل الله التوفيق والنجاح للجميع . وأنصح الجميع بالآتي :- قو إيمانك بالله - عز وجل - واستعن به في جميع أمورك، ووطد صلتك به، وإذا أردت أن تنجح، فعيك بالخطوات التالية: 1- أن تقيم الصلاة لأول وقتها. 2- عليك قراءة القرآن، وكثرة الأذكار في الصباح والمساء. 3- استعن بالله بالدعاء في جميع أمورك. 4- استعن بالصحبة والرفقة الصالحة التي تعينك في دينك ودنياك 5-. اترك دائما باب الأمل مفتوحا، ولا تيأس، ولا تقنط، واعلم أن مع العسر يسرا، ومع الضيق يأتي الفرج بإذن الله تعالى. 6- كن باراً بوالديك واطلب منهم الدعاء لك . قال تعالى :- يَاأَيُّهَا الَّذِينَ آمَنُوا اتَّقُوا اللَّهَ وَقُولُوا قَوْلا سَدِيدًا * يُصْلِحْ لَكُمْ أَعْمَالَكُمْ وَيَغْفِرْ لَكُمْ ذُنُوبَكُمْ وَمَنْ يُطِعِ اللَّهَ وَرَسُولَهُ فَقَدْ فَازَ فَوْزًا عَظِيمًا } [الأحزاب: 70، 71]. وبالله التوفيق! |
الله كريم لو ربي كاتب لنا رزق والله لناخذه لو بعد حييييييييين
انتي قولي يااااااارب وخلص يفرجها الله |
الله يجزاكم خير يامن اتحفتموني بردودكم
ولكن مازلت اريد مجالات وظيفيه اخرى غير مجال التعليم ياليت اللي عنده علم ينورني |
الله يرزقك ~
خويتك خخخخخخخخ بس مالحقت على علوم أجتماعيه وعربي ~ صرت لغه عربيه لحالهآ مادري عآد حظ أو ردآ المهم شوفي إن كنتِ من المدينة روحي باب رزق جميل مادري وش عندهم والله ولاعمري رحت شوفي الحرم المواسسم زينه شوفي المعاهد والله هذا اللي أعرفك غيره مااعرف شي والله يوفقك إن شاء الله ~ |
اقتباس:
ههههههههههههههههههههههه |
اقتباس:
^ ^ ^ الله من النشبه ماكفتكي الردود؟اي وظيفة سجلي فيها حتى لو عسكرية للرجال هع<<<اعماها |
اقتباس:
هلا بتس ملووكه هلا بزميلة التخصص انا تخصصي من عهد الديناصورات علشان كذا جاء 2×1 وباب رزق جميل رحت له وماكسبت منه الا ريحة الحموضه اللي تفقع التسبد ولا هم ماعندك احد يسكتونتس بتعبئة استماره حتى ياربي مالها لا رقم ولا شي كيف تجي مدري وليومك هذا مابوه علم ولا خبر |
اقتباس:
لا ماكفتني واطمح بالمزيد واللي ذُكر لي شي قليل والله ياشيخ لو يقبلون لااسجّل ومن ناحية اعميتها فهي عمياء من البدايه شكريآ على ردك |
أهلا فيكم ياخريجين:
اللي ماتعين أمس يتعين اليوم واللي ماتعين اليوم يتعين بكره وهذا الحال وكل خريج يمر في مرحلة انتظار بعد التخرج وعليه أن يستغل الفرصه بالشئ الذي يعود عليه بالنفع كأن يلتحق في مدرسة خاصه أو يعمل في أي مجال وأن يبعد كل البعد عن الفراااااااااااااااغ لانه قاتل والتعييين قادم لكم لكن يحتاج لصبر مع احتساب الأجر وربي موزع الأرزاق موفقين ياقدعان |
اقتباس:
شوفي اختي انا اشوف طالما التعيين مطوووول كملي دبلوم حاسب اضافة لشهادة الخيبه<<<مسوي يعنني شهادته هندسة وهو لغة عربية وبعد تخب هع وان شاء الله ربي يفرجها عليكي وسبحان الله ماتدرين وين رزقك ممكن يجيكي التعيين وتصيرين ابله ادد الدنيا وتوكلي على ربك وادعيه والرازق بالسماء |
اقتباس:
لقيت وقلت لا حتى المدارس الخاصه ماتبيني ولا تبي تخصصي وكل يوم اطلع من عندهم اجر اذيال الخيبه وراي وملفي الاخضر قدامي قال وش قال تخصصتس مو مطلوب في سوق الوظايف توكلي على الله وهذي هي حالتي معهم لا جديد يُذكر يعني كل مااطق في ارض وتد من رداة الحظ وافتني حصاه |
اقتباس:
هو من ناحية مطول فهو مطوول ولا طرا عليه يجي دام الخدمه هذي فعلها ومع هالتخصص بالذات وان شاءالله راح آخذ دورات ان الله راد لكن حاليآ ابي اي مجال يضفني انا وتخصصي بس بدون دورات >>> طلبتس مستحيل ويعطيك العافيه وخيي والله يرزقني ويرزقك ويرزق المسلمين اجمعين نفر نفر ونفره نفره |
وربي ذلونا بالوظايف ..... هذي مككرمه من ابو متعب الله يحفظة ......
لكن تبقى الاسود اسود والكلاب كلاب ... ما اقول الا الله يسلط عليهم .... اذا حرفوا ولعبوا بالاوامر الملكية |
لا بالله نبي هالوظايف بالي هي به
يارب انها تجي |
اقتباس:
بس لما شفت ردك صملت ......:a010::a010: بس كيف أفتح الفكره مع الاهل((بتموووت قبل يومها:t2641:؟؟ |
اقتباس:
اذا وافقو قولي لي بسووي مثلك :a010: ونتقابل هوونيك بمدرسه وحده :spiteful: اختي خريجه 1418 وماطلع اسمها بهالدفعه :t2641: |
| الساعة الآن 03:34 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
تصميم تطبيقات الجوال, شركة تصميم مواقع ، تصميم متاجر ، تسويق الكتروني , ارشفة مواقع ، مكتب ترجمة معتمدة ، استقدام خادمات ، شركة سيو