ماذا تتوقعون لي
 

خذها مني ولا تسل غيري جهز الشنطه والددسون ....تبي احلف حلفت....بس عطني البشاره ...ويوم التعيين تعال .....

بشرك الله بما يسرك يا أخي فتى الوطن ، أبشر بالبشارة يا غالي

لكن الله يسهلها ونتعين السنة هذه ( آمين )

؟ ؟ ؟

سؤال : ما المانع في عدم قبولك العام الماضي ؟

معدلك في السليم .. القياس ناجح .. المقابلة مجتازها .. ؟

أنا أعرف معلمين الآن في نفس سنة تخرجك وفي نفس جامعتك وبمعدل مقبول ولكنهم أجتازوا القياس و المقابلة وتعينوا !! يعني انت ما المانع اللي ما خلاك تنقبل ؟

لااااازم سبب ؟ هذا من وجه نظري

اتمنى لك التوفيق

المانع هو أني تخرجت في الفصل الثاني في شهر 7 ، وكان التقديم على الديوان في نهاية خمسة إلى بداية ستة تقريباً .............

أهاااا .. موفق بإذن الله ..

وفالك الوظيفة يا رب

آميـــــــــــــــــــــــن

يا اخوي في ناس معدلهم اقل من معدلك بكثير وتعينوا...انت تعيينك مضمون ....خذها مني ولا تسل غير ابو تمساح ...اللي هو انا..

انشاء الله انك متعين السنة هذي وقول ابو وتاد ما قالها

لكن ادع ربك انهم ما يعينونك في قرية ( ام البراميل ) صدقني ان ما كنت من اهل البر انك لتلعن التدريس من اوله لين اخره طبعا المنطقة كلها جن
اليوم توقف سيارتك بشكل معين بكره تجي تلقاها بشكل اخر مختلف عن الشكل الاخر
والقصص الواردة عن هذه المنطقة كثيره ومتواتره المهم انت اذا عينوك فيها دق علي وانا اعلمك

تدري ليه علمتك بهذا المنطقة علشان تدعي ربك ان الله يخارجك منها لانك متعين انشاء الله 100%
تحياتي

ههههههههههههههههههههههه


ممكن سؤال يا أبو وتاد ... وين هذه أم البراميل ؟؟

هههههههههههههه
وين هذه أم البراميل


موفق بإذن الله ... لك مني أجمل تحية .

لا لا لا لا يابو عابد .. كذا تخليني اروح اقدم شكوى رسميه إن كان كلامك سليم

انا معدلي جيد ومتخرج 13/3/1431 ومجتاز المقابلة والقياس .. ولله الحمد ولا ظهر اسمي
لكن رقمي استعلمت عنه طلع 236 بعد المتعينين

انفض شليلك يارجل

طيب يا خوي كان مداك تعاقدت مع ادرات التعليم وذلحين مترسم

قدر الله وماشاء فعل ، الحمد لله على كل شيء .....

ووووششش ام البراميل

<< اتخيل لو تطلعلي يمممه بترك التدريس للجن

موفق صاحب الموضوع متعين بااذن الله

ام البراميل تبعد عن شروره تقريبا 120 كلم طبعا مافيها ارسال

قريبه من اليمن على الحدود اليمنية

وفوق كذا ولا خليها لين تتعين وانا اكمل لك

راح اقول لك قصة حصلت معايه
مره رحنا نقنص وطبينا في هذه القرية الله لا يعوده من حظ ردي اول شي بنشر الكفرين وكان معانا استبنيين

وفي اخر الليل كنا نايمن وشوي واذا فيه زي اللمبة من مكان بعيد جايه بسرعه علينا وكل واحد طلع بندقه قلنا يمكن هاه والا هاه علشان الاحتياط

واذا بنور يجي مسرع وشوي والا النار يوم طفت بسبب الريح اللي جاتنا فجئه وشوي واذا الانوار الامامية للجيوب الخمسه كلها تشتغل في وقت واحد

جلسن مرعوبين شوي لكن حنا قد تعدودنا على هذه الاشياء خاصة يوم تروح يم الجنوب عسير والا جبال تهامة

لكن المصيبه القوية ان شوي واذا الشوزن في السياة يوم ثارت من حاله هذه اللي مطمه واعدمت تندة الجيب

والقصة والله قد تكون من الخيال قريبه لكن والله هذا اللي صار مع ابو وتاد شخصيا ولو احد قالها لي ما اصدقه

هذه قصة لي انا غير الكثير

وخل الباقي لين تتعين وتشوف بعينك

لك التحية

يعلمنا واحد من ربعنا عسكري في شرورة بس مدري في البراميل هذي ولا غيرها المهم يقول المكان اللي كان متواجده فيه الكتيبه يوجد فيه جن >> بسم الله الرحمن الرحيم

يقول كنت أمسك خفارة في بوابة أو مدخل المهم يقول دايم موعد الخفارة آخر الليل أجلس وأسمع صوت يناديني (صوت عجوز) يناديني في أسمي كأنه يعرفني ويعرف اللي كان مستلم قبلي في نفس المكان وتسولف هالعجوز وكل كلامها حول الخدمة العسكرية >> انهبل الرجال

يقول ماحسبت تخلص الدورة وأرجع لعيالي وبعدها عمري ما أطب في ها المكان وإذا جتني دوره أو شئ أرفضها أخاف يودوني هالامكان مره ثانيه هههههههههههههه

الله يحفظنا من كل مكروه

الاخ ربيع الاماني اتوقع توقع كبير جدا جدا تعيينك هالسنه
الله يرزقنا التعين وياكم..... ولم العزبه ولاتنسى الكاتم
دمتم......

هاااااام
 

:t2641:الله يوفقك

نفس رأي الأخ فتى الوطن تماما
امورك بحول الله طيبة وفالك التعيين والجميع

الله يوفقك وتتعين بس تعال بشرنا عشان نعرف انه فيه أمل نتعين بعدك