بخصوص الرغبات المكانيه ضروري مررره
 

صبـــاح \ مســـاء الخير ^^

انا خريجة عام 1431 وحابه استفسر بخصوص الرغبات المكانيه لانه من جد سار كابوس بالنسبه ليا طبعا اخترت المنطقة المدينة المنورة والمركز مركز المدينة المنورة المهم بعد ماحكيت صحباتي جلسوا يضحكوا عليا انه مستحيل يجي تعييني ولا بعد 20 سنه في المدينه انا ماهمني بصراحه متى ماجات جات بس طبعا مو بعد 20 سنه خخخ اهم شىء تجي في المدينة ما ابغى الهجوله نهائيا وخاصة للبنت صعبه يعني تحطييم و فاقترحوا علي اختار مركز الحناكيه لانه فرص التوظيف فيهااكبر وانا خايفه من هالخطوة لانه مختاره في خانه التعيين في اي منطقه اخرى (لا لا ارغب ) واخاف انكب واجلس طول عمري في الحناكيه وماعاد يجبوني المدينه :cry: وومكن اعرف لو فرضا واتعينت في الحناكيه اقدر ادوام من بيتنا للمدرسة ولالا لازم سفر وسواق وحوسه

ياريت اهل الخبرة يردوا عليا لانه قرار مصيري وقبل لايقفل التعديل ومشكوووورين

ليه يضحكون عليك انت سويتي الصح

طيب اذا قدمتة على الحناكية عندك اثبات اقامة ؟؟؟؟؟ترى القهر لمن تترشحين ويستبعدونك بسبب هذا الشرط

للتذكير فقط السنة الماضية تم استبعاد اكثر من 4000 مرشحة عشان شرط الاقامة

يعني الوحدة تقول انا بكتب اي قرية وبعدين الحظ يلعب دورة انا معاك فيه بعضهم جات معاهم والاكثرية والله قاعدين في البيت بحسرتهم

مركز الحناكيه ليش مو تابع للمدينه ؟
انا اخترت منطقة تبوك بعدين عدلت واخترت القصيم وفي الأخير رجعت وكتبت المدينه مع إني يائسه من المدينه وتعييناتها

الحناكية ماتحتاج اثبات اقامة لانها تابعه للمدينة

وبالعكس اللي سوتيه صح لانو لو ماجاك تعيين يجيك اقل شئ تعاقد بالمدينة او قراها

لكن لوقدمتي بمنطقة غير منطقتك واستبعدتي بيطير التعاقد والتعيين سوواااا.

والحناكية مو بعيدة قريبة نصف ساعة
وانتي بالمدرسة ان شاء الله
انتي قولي يارب يعينونا لو حتى بقرية من قرى المدينة مو مشكلة
صحباتك يمكن مايعرفون انو الحناكية من قرى المدينة ...

الله يجزاكم خير يابناااات

وبخصوص للي تقول شرط اثبات اقامة يعني افهم من كلامك اذا مو من اهل الحناكيه يستبعدوني :000: لا اجل خلاص ابرجع اعدل منطقة المدينة- مركز المدينة المنورة وامري لله ~

لا مو شرط من اهل الحناكية
لا تغيري ممكن يكون لك نصيب فيها
يعني يكون لك اهل هناك
او يكون والدك ماعنده عمل او اي احد من اخوانك
...

..

حلا المدينة حبيبتي ,, لا والله مالي احد فيها بس انه على كلام البنات عشان ما اخسر تعاقد ولا تعيين بس انا استغرب من نقطة وحده لو انهم صادقين انه لازم اثبات اقامة كيف العالم متهجوله في مناطق وقرى بعيدة من فين جابوا اثبات اقامة ؟!!

طيب لو فرضا انه الحناكيه من قرى المدينة ليش استقلوها بخيار لوحده والمدينه المنورة بخيار ثاني ! وحده من الثنتين يا اني فاهمه غلط خخخ او فعلا الكلام صحيح ويحتاج توجيه من اهل الخبرة ><

اختي؛؛؛؛
انا اخترت المدينة وطلع لها 6 رغبات مكانية من ضمنها الحناكية دليل انها تابعة للمدينة واختارتها مع انوة مالي احد فيها واللة يرزقنا ونتعين هااااااااااالسنة يارب...

اختي الكريمة .. صعب تتعينين في المدينة بل مستحيييييييييييل هذا ليس تحطيم بل واقع ..

انتي قدمي لاقرب محافظة او قرية للمدينة بشرط يكون عندك اثبات اقامة .. ولو تعينتي وكان عندك اثبات

اقامة سليم راح تكتبين تعهد انك ماتطلبين نقل من هالمكان الا بعد 3 سنوات ..بعد 3 سنوات يحق لك

تطلبين نقل فقط يحق لك يعني ليس شرطا ان تنقلين ..اما المرمطة لابد منها ..


طبعا الكلام هذا من واقع تجربة .. اختي تعينت بمنطقة نائية فور تخرجها مباشرة وانا كنت السواق بتاعها ..

مشورة وقلت حيا لكن اخذ نص الراتب ههههه ..

لكن بعد سنة تزوجت وطلبت نقل لمنطقة عمل زوجها ونقلت بقرية تبعد عن ابها 40 كيلو فقط

ملاحظة / الزواج والطلاق هذا الشي يلغي التعهد اللي ينص على عدم طلب النقل الا بعد 3 سنوات

والله ماني عارفة بس الحناكية قريبة
بالمرة وهيا افضل شيء
__
وحدة من قرايبنا في بدر وماعندها اي احد ساكن
ودحين لها 8 سنوات حتى النقل مانقلوها
وبتروح مع سوااااااق الفجريات الساعه 2

معاها كم وحدة بس والله كثير خطر مرتين صار عليهم حادث
بسبب السواق والنوم ..
الله يعينها لولا الحاجة ما استمرت
بس عشان اخوانها واخواتها تصرف عليهم
والله الحياة كثير صعبة الحمدلله على كل حال

الخيارات اللي مع المدينة اعتقد انهم
1--المدينة المنورة
2--الحناكية
3--العلا
4--خيبر
5--بدر
صح
واقرب شيء للمدينة العلا +الحناكية وكل البنات مختارين هاالخيارين
اغلب البنات

العلا شي لوحده

مو تابع المدينة

ربي ييسر امورك

ياقلبي توكلي على الله وقدمي ع مركز المدينه ماتدري يمكن الله كاتبلك رزق فيها

وللمعلوميه مركز المدينه تابعتله (6) مراكز اللي هي

المدينه المنوره

وادي الفرع

الحناكيه

المسيجيد

بدر

خيبر

وهذي كلها مو لازم اثبات اقامه لانها انضمت لمركز المدينه

الي فهمته من كلامك انك بس اخترتي الحناكيه

افضلك اختاري ال 6 مراكز

حلا المدينه

العلا مركز لوحده مو تابع للمدينه

الي ماعنده اثبات اقامه لايقدم ع مركز العلا

لاحول ولا قوة الا بالله ياويلي 8 سنين !! وماجاء نقلها !دا اللي مخوفني ياحبيتي الله يفرجها لها عاجلا غير اجلا ><

جزاكـ الله خير اخ سعيد ع لاالافادة وذكر التجربة بس من فين اجيب اثبات اقامة ؟؟؟

والله يعيننا على امور هالدنيا

هلا بكـ حلا طيبه
بس احنا مالنا الا خيار واحد البنات مو زي الاولاد فعشانه اخترت الحناكيه بس اللي مخووولني انه ليه حاطين مركز المدينة مع بقية القرى يعني المفروض الترتيب يكون بالطريقة دي :

منطقة المدينة المنورة :

مركز الحناكية- مركزوادي الفرع - مركز المسيجيد- مركز بدر- مركز خيبر و بس ماله داعي مركز المدينة المنورة انا دا اللي شككني انه لو ابختار الحناكيه ماعاد بشوف المدينه >< لكن زي ماقلتلكم عدلت ورجعت اخترت الحناكية منطقة المدينة وكل يوم برأي غير هههه

يارب يكتبلي وللجميع اللي فيه خييييير ياااااااااااااااااااااااااااارب