فزعتكم ياشباب المدينة
 

وعليكم السلام ورحمة الله وبركاته

اهلين عزيزي..

بصراحة طلبك حيرني

انت تبغى الكتاب حق الرسالة..؟ لانها مو متوفره فالرياض.؟

لانه لو الكتاب متوفر في الرياض اكيد ماتحتاج مساعدة بخصوص الفهرس

ياليت توضح سؤالك ؟

الله يجزاكم خير ويرفع قدركم

طبعاً الرسالة غير موجودة في الرياض وأنا فقط أريد الحصول على فهرس الرسالة فقط لاغير

لأعرف المحاور والفصول والمباحث التي تحدث عنها الباحث في هذه الرسالة وتاريخ حصوله على درجة الدكتوراه

وأبي فزعتكم معي بإحضار الفهرس من مكتبة الجامعة إما بتصويره ونسخه بالسكنر أو كتابته في المنتدى

بارك الله لكم في وقتكم وجهدكم

والي يقدر يجيب لي مع الفهرس المقدمه ( الخطه ) والنتائج أكون شاكر ومقدر ويامر بالي يرضيه

بأذن اللـه سـ اسعى للبحث عن طلبك..

بحفظ اللـه..

جزاك الله خير أخي عدنان ويسر طريقك للجنان وفتح لك من الرزق من حيث لاتحتسب

انتظر رجوعك

اخي ابو محمد..

بحثت اليوم في مكتبة الجامعة الإسلامية المركزيـة عن طريق كمبيوتر المكتبه فلم اجدهـ..

وكانت هنـاك عدة خيارات للبحث

منهـا / البحث عن الكتاب في المكتبات العـامـة

وايضا خيار للبحث في جميع المكتبات

ولم اجدهـ ايضاً..

لا الكتاب ولا المؤلف..

وإذا عندك مكان معين موجود فيه الكتاب انا حااضر..

ارجو ان تجد ماتبحث عنه..

جزاك الله خير ياأخ عدنان وكثر الله من أمثالك وبيض الله وجهك

معلومات الكتاب تفيد أن الباحث حصل على درجة الدكتوراه من جامعة الإمام محمد بن سعود الإسلامية

في المدينة المنورة قسم الدعوة والاحتساب كلية الدعوة والإعلام , وبعد البحث تبين أن هذا الكلية أصبحت تابعه لكلية التربية في جامعة طيبه

فتكفى وأنا أخوك إذا تقدر تروح لجامعة طيبة تكون متفضل علي بجميل ما انساه

أو أحد من شباب طيبه يشوف لي الرسالة

الله يسعدك

اهلا ابومحمد..

إن شاءللـه راح اكلم احد من الاصحاب اللي يدرسون هناك..

وإذا ما وجدت إن شاءلله الثلاثاء او الاربعـاء اكون فاضي فالصباح وامر على جامعة طيبـة..
وإن شاءلله تتسهل

الله يجزاك خير والله الدنيا مازالت بخير بوجود أمثالك

الله يوفقك دنيا وآخره

مازلت انتظركم

آسف اخ ابومحمد..

حاول تصبر .. خلال يومين بعطيك الجواب..

بارك الله فيك..

الله يجزاك خير ياأخوي ياعدنان

ابحاول اصبر والله يقدرني ارد لك الجميل

ابو محمد الكتاب مو موجود..

مافي للمؤلف إلا كتاب واحد وهو رسالة ماجستير .. يختص بالاطفال ..

وفقك الله

جزاك الله خير وبيض الله وجهك

والله إنك لحيتن غانمه وماقصرت

الشكوى لله ولا حول ولاقوة إلا بالله

المشكله إنها موجوده بس لعل الله ييسر لي وألقاها

الله يحفظك

الله يسلمك..

ابحث فالمكتبات الكبيرة ربما تجدها ..

وارجو لك التوفيق..

أخ عدنان ممكن تزودني بأسماء المكتبات العامة بالمدينة المنورة

احتمال كبير ألقاها موجوده عندهم

أما بالنسبه للرياض فهي موجوده في مركز الملك فيصل للبحوث والدرسات الإسلامية

بس حالياً خدماته متوقفه نظراً لإنشغالهم بتوسعة المركز

جزاك الله خير ونفع بك

الله يسلمك شوق الغلا..

يعطيك العافيه اختي..

ابومحمد ..

انظر إلى الموضوع المثبت .. ستجد طلبك..

جزاكم الله خير ونفع بكم

تم الحصول على المطلوب

شاكر لكم وقفاتكم المشرفة

وبالخصوص الأخ عدنان

وفقك الله وسدد خطاك

الحمدللـه حصلت الي تبغاهـ..

بارك اللـه فيك ياخوي..