|
بنت ابوي
المفروض حتى لو تبغى تذكرينا بطريقه الطف وتدعى لنا مو زي كده كاننا اخدين شى منك احنا اقل واحده فينا لها 11 سنه متخرجه وتقولى من حقك ان تغلطي ؟ ليش ؟؟ احنا قربنا من احد او اخدنا حق احد ؟ انا نفسي راح دوري في التعاقد كم مرة والمفروض اصلا انه يجيني تعيين انا تخصصي ادبي وبدرس مواد علميه بمدرستي وحامده ربنا وشاكرته وباحاول انه اخلص النيه لله واقول الحمدلله على كل شى لما رجعت لمدرستي نفسها شفت غيرة وحسد غير طبيعية ليش ؟ كل واحد ياخد رزقه وغير كده قالوا لى حقين قسم التثبيت انه راح نروح قرى على العام الهجري الجديد فخلاص ارحمونا شوية حسبي الله ونعم الوكيل |
يابنات هدوشوي اذا نفسياتكم طين انا اطين بس ماهكذا ترد الابل ياسعد اليوم لما قرئت ردها عصبت وكنت برد بس بعت عن النت شوي فلما دخلت لقيت البنات مومقصرين لكن اقول لنفسي ولكم ان مااصابنا لم يكن ليخطئنا وانا الله ماابكانا الا ليضحكنا والله ان نفسيتي من التعاقد مره تعبانه والا حقوقنا ليه ماناخذها 5اشهر حرام والله حرام اول شعبان ورمضان دحين شوال وذي القعده حرااااااااااااااااااااام يعني ماورانا شيء ولا مصاريف مدرسه وسواق وشغاله وماشاء الله تبارك الله اللهم اني لست حاسده الله يهنيهم الفروقات تسمع 30 الف واحنا ولا هلله ليه ياأدراتنا الموقره الله يقلبك راس على عقب ويقطع رواتبكم زي ماقطعتوا رواتبنا ولسه الجاي اعظم من التشتيت مو تثبيت كأنهم يعاقبونا الملك ما غلط لما ثبتنا اتقوا سهام الليل يا ظلمه ليس من شيمتي الدعاء على أحد حتى لو كان ظالم لكن طال الحلم عليكم فمالنا الا الدعاء.
|
اصلا المفروض تكون هناك خطه لادارة التعليم
هما بهذا الحال بيصرفوا مصاريف زياده ويقولوا ماعندهم ميزانية ؟ لو من اول صرفوا لنا حق الاجازة كان ماصارت لخبطه وكمان اماكن التثبيت يعنى احنا متعاقدات معاهم لنا مده واقل واحده فينا متخرجه من 11 سنه وتعتبر اصبح لها خبرة كويسه بالمدارس ويبغوا يحطونا بقرى بعيده بحجه انه من حق المعلمات الى هناك النقل للمدينة ويكون مكانهم البديل طيب وحقين التعييين الجديد الى لهم حوالى سنه او سنتين متخرجات ليش مايروحوا هما هناك واحنا منطقه اقرب والمعلمات السابقات يجوا المدينة لازم العدل بيننا محد بياخد حق احد ولكن الله المستعان لازم الواسطات تتدخل وراح تقولوا هادا الى صار حسبي الله ونعم الوكيل |
اقتباس:
|
اليوم راجع زوجي شؤون المعلمات ( المالية ) وسال عن الراتب الاجازة وافادوه انة ليس لهن رواتب ولم يصدر اى تعميم بهذا الخصوص
الله المستعان يعنى ادارة التعليم المختلفه بالمناطق تصرف الرواتب من راسها والا ايش ولا ان ادارة المدينة هم الفاهمين وغيرهم لا حسبي الله على كل من تلاعب بمصالح الناس |
التثبيت اللي في المدينة في المدينة واللي في قرى حيفضل في القرى
توي قفلت اتصالي مع سكرتير مدير التعليم |
متى سيتم توجيههم للمدارس المحتاجة
|
نفس الكلام قاله موظف في الاداره انو مالنا رواتب في الاجازه كنها من جيونهم الله المستعان تعبنا من التخبط!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!
|
غدورة صحيح سكرتير مدير التعليم يقول كده
ولكن موظفي التثبيت الموجودين بلجنه التثبيت يقولوا لازم المعلمات وقت التثبيت يروحوا قرى بمعنى كل واحد يفسر الكلام من راسه ويسوي الى يبغاه وحتى الرواتب قالوا بتنزل كلها شهر 12 الرواتب مع رواتب الاجازة ولكن زي ماتفضلت الاخت وقالت انهم قالوا لهم لاتوجد يعنى لازم كل شى يجيهم باوامر ؟؟؟؟؟ حسبي الله ونعم الوكيل فيهم |
لجنة التثبيت تنفذ القرارت مو من شانها تحوير الكلام وانا متفائله خير لانه اكدلي الموضوع
وبالنسبة للراتب يارب يكون كلامه صحيح وب11 لانه طفرررنا |
| الساعة الآن 02:28 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
تصميم تطبيقات الجوال, شركة تصميم مواقع ، تصميم متاجر ، تسويق الكتروني , ارشفة مواقع ، مكتب ترجمة معتمدة ، استقدام خادمات ، شركة سيو